.webp){kind=icon}
Во периодот јануари – декември 2021 година во Агенцијата за катастар на недвижности се запишани товари врз 8.386 недвижности со вкупна вредност од 1.997.252.023 евра. Податоците на Катастарот откриваат дека лани имало зголемување на бројот на недвижности ставени под хипотека. Имено, во 2020 година биле запишани товари на вкупно 7.649 недвижности вовкупна вредност од 2,3 милијарди евра.
Во Македонија како што расте бројот на нови станови, расте и бројот на станови под хипотека. Според податоците на кастарот, на крајот од 2018 година во земјава имало вкупно 1.071.186 станови, од кои пода хипотека биле 122,307 станови или 11,42 проценти.
До септември, 2020 година вкупниот број станови се зголемил на 1.099.133 од кои под хипотека биле 143.588 или 13,06 проценти.
Ако се земе предвид дека според последниот попис, во земјава над 300.000 станови биле празни, станува очигледно дека дел од населението зема кредити за купување станови кои не се користат, туку на нив се гледа како сигурна инвестиција на долг рок.
