Астрономски раст на цените на становите до јуни

Во второто тримесечје од 2022 година цените на становите оствариле годишен раст  од 16,5 проценти, покажуваат најновите податоци на Народната банка. Станува збор за рекорден раст на цените којшто не се случил во изминатава деценија. Со тоа продолжува трендот на континуирано уривање на границите на поскапување на становите што започна минатата година. Имено, во четвртото тримесечје од 2021 година растот изнесуваше 11,4 проценти, а во првото тримесечје од годинава 12,5 проценти.  

„Блумберг Адриа“ веќе пишуваше дека македонските градежници како главна причина за растот го наведуваат зголемувањето на трошоците за градење. Нивното тврдење го поткрепуваат и статистичките податоци.Во првото тримесечје од 2022 година, во споредба со четвртото тримесечје од 2021 година, трошоците во градежништвото за нови објекти за индивидуално домување се повисоки за 7,5 проценти, трошоците за материјали за 10 проценти, а трошоците за вработените за 2,3 проценти.

Во првото тримесечје од 2022 година, во споредба со првото тримесечје од 2021 година, трошоците во градежништвото за нови објекти за индивидуално домување се повисоки за 23,8 проценти, трошоците за материјали за 29,3 проценти и трошоците за вработените за 12,5 проценти.

Во моментов нема коментари за веста. Биди прв да коментира...

Остави коментар