Управата за јавни приходи по основа данок на солидарност заклучно со вчерашниот ден наплатила 2,3 милијарди денари. Од вкупно 156 компании што имаат обврска да го платат тој данок, 26 компании сè уште не го платиле и должат вкупно 726,6 милиони денари, и покрај рокот што им е даден од Управата за јавни приходи.
Директорката на Управата за јавни приходи, Сања Лукаревска, денес на брифинг со новинарите посочи дека дејностите на компаниите што должат се различни, две фирми се од дејноста коцкање и обложување, две за изградба на станбени и нестанбени згради, две компании се со дејност трговија со дрва, градежни материјали и санитарија.
„Најголем износ, од 257,3 милиони денари, е уплатен од една скопска компанија со дејност леење челик, која за 2022 година имала вкупен приход 11,3 милијарди денари“, изјави директорката на УЈП, Сања Лукаревска, на брифинг со новинарите.
МИА
Немањето средства е најчестата причина што компаниите ја наведуваат за неисполнетата обврска за плаќање на данокот на солидарност.
„Најголемиот должник, а наедно и компанија со најголема пријавена обврска, е скопска компанија од среден обем, чија дејност е трговија со електрична енергија, која остварила вкупни приходи од 13,2 милијарди денари и должи 294,6 милиони денари“.
УЈП има доставено опомени. Од 26-те компании што ја должат обврската, шест направиле пребивање, што е дозволено, а три компании се во режим на репрограма, односно одлучиле да плаќаат на три рати (октомври, ноември, декември). Рокот за компаниите што нема да ја исполнат обврската останува 24 ноември, кога ќе следува блокирање на сметката.
.webp){kind=icon}
