Компаниите АД „Мепсо“, АД МЕМО и „Електродистрибуција“ ги поднеле до Регулаторната комисија за енергетика барањата за цената на електричната енергија што ќе важи од 1 јануари. Станува збор за три од петте елементи што ја сочинуваат крајната цена и кои РКЕ има надлежност да ги утврдува. Доколку бидат прифатени сите барања од компаниите, цената на струјата ќе се зголеми за 27 отсто.
„Сега влегуваме во процес во кој детално ќе се скенираат сите трошоци на овие три компании и ве уверувам дека ќе бидат прифатени и одобрени само оние ставки што ќе овозможат стабилна и сигурна испорака на електрична енергија исклучиво по принцип на домаќинско работење“, вели Марко Бислимоски, претседател на РКЕ.
МИА
Воведувањето пристап кон мрежата, кое Регулаторната комисија го најави пред неколку дена, е нов модел, кој нема да биде нов трошок за граѓаните, ниту дополнителен приход за компаниите како ЕВН, МЕПСО и „Електродистрибуција“. Со додавањето на оваа ставка, Регулаторната комисија ќе го заокружи процесот на транспарентна сметка, така што во месечната фактура освен цената на електричната енергија и цената за мрежарината (во која влегуваат преносот и дистрибуцијата), ставката за дистрибуција ќе се раздвои и со поставка пристап до мрежа.
„Станува збор за порано употребуваниот фер принцип за сијалично место – пристап до мрежа. Практично, тоа значи дека најголем број потрошувачи ќе добијат пониски сметки за мрежарина, додека оние што користат викендички ќе плаќаат за пристап до мрежа. Со оваа реформа ќе се заокружи процесот на фер сметки и ќе се обезбеди правична распределба на трошоците меѓу оние што редовно ја користат мрежата од другите, кои тоа го прават повремено, како во викендичките или, пак, поради тоа што користат сопствено производство на струја од фотоволтаици“, изјави проф. д-р Рубин Талески од ФЕИТ.
Под целосен надзор на РКЕ, во согласност со законските обврски и претходно утврдената методологија, во наредниот период „ЕВН хоме“ ќе ја пресмета и соопшти крајната цена на електричната енергија по однапред утврдени влезни параметри.
.webp){kind=icon}
