Во 2023 година вкупните директни инвестиции во Македонија изнесувале 616,7 милиони евра, покажуваат новите податоци на Народната банка. Во структурата на инвестициите, нето-приливите кај сопственичкиот капитал изнесуваат 274,8 милиони евра, реинвестираната добивка (172,9 милиони евра) и меѓукомпанискиот долг (169,1 милиони евра).
„Во текот на четвртиот квартал од 2023 година, вкупните директни инвестиции во земјата бележат нето-приливи од 232,6 милиони евра, како резултат на зголемените нето-приливи врз основа на меѓукомпаниски долг (од 285,8 милиони евра) и зголемените инвестиции во сопственички капитал (49 милиони евра), наспроти намалувањето кај реинвестирањето на добивката (102,2 милиона евра)“, соопшти Народната банка.
Лани најголеми директни инвестиции имало од Турција (171 милион евра), а потоа следуваат Германија (108,4 милиони евра), Унгарија (63,3 милиони евра), Австрија (47,8 милиони евра) и Холандија (45,4 милиони евра).
.webp){kind=icon}
