Походот кон електрични возила не спласнува, Македонија е на дизел

Кина ги олабави коефициентите на заеми за купување на лични возила бидејќи земјата се обидува да го зајакне својот автомобилски сектор, особено електричните возила.

Централната банка и финансискиот регулатор соопштија дека стапките на заеми за бензински и електрични патнички возила, вклучително и хибриди, сега може да ги одредат самите кредитни институции. Претходно, соодносот беше 85 отсто отсто за ЕВ и хибриди, и 80 отсто за конвенционалните автомобили.

Коефициентот на заеми за конвенционалните комерцијални бензински возила остана непроменет на 70 проценти, додека за електрични или хибридни комерцијални возила изнесува 75 отсто и 70 проценти за купување половни автомобили, се вели во соопштението објавено во средата.

Оваа одлука инаку следува откако, како што веќе објавивме, кинескиот извоз на електрични возила во земјите на Европската Унија се намали за речиси една петтина во првите два месеца од годината. Тоа го покажаа официјалните кинески податоци, поради истрагата на Брисел за неправедни субвенции на индустријата.

Нешто повеќе од 75.600 електрични возила беа испорачани во 27-те земји-членки на ЕУ во јануари и февруари, покажаа податоците на кинеската царина, што е за 19,6 отсто помалку од минатата година.

Bloomberg Mercury

Неодамнешните брзи добивки во увозот од компании како што се БЈД и „САИЦ мотор“, во сопственост на „МГ моторс“, предизвикаа предупредувања од западните производители на автомобили, вклучувајќи го и „Стелантис“, за бранот нови конкуренти во тежок период за индустријата. Во октомври Европската комисија започна истрага за тоа дали субвенциите на кинеската влада им дадоа на нејзините производители неправедна предност.

Македонците возат дизелаши

Според податоците на македонската Царинска управа, лани во земјава биле увезени 185 нови и 67 стари електрични возила. Нивните сопственици од државата не добиваат никаква субвенција.

Државни субвенции нема да добијат ниту тие што годинава ќе купат електрично возило. Со години ваквата можност останува само на хартија.

 

 

Министерството за економија во 2019 година изработи измени на Законот за возила, во кој беше предвидено субвенционирање на вградување уред за погон на ТНГ, метан или друг вид алтернативно гориво во возилата, а имаше и програма за субвенционирање за купување возила на електричен погон.

Но предлогот на Министерството беше изменет во текот на процедурата во Собранието и од него беше отстранета програмата за субвенционирање за купување возила на електричен погон. Образложението за бришење на оваа програма е тоа што субвенции за истата намена може да се добијат доколку се купува ново возило, а притоа се одјави старото.