Пад на депозитите на корпоративниот сектор на месечна основа за 2,4 проценти регистрира Народната банка во последниот извештај за монетарните и кредитните агрегати. Ова е прв позначаен пад на депозитите на компаниите во последната година.
„Надолната промена пред сè се должи на намалените депозитни пари, при дополнителен пад и на краткорочните депозити, а во услови на раст на долгорочните депозити“, велат од Народната банка.
На годишно ниво депозитите на корпоративниот сектор се зголемени за 12,2 отсто во март, во поголем дел како резултат на растот на депозитните пари, краткорочните депозити во странска валута и долгорочните депозити во денари, при дополнителен позитивен придонес и на преостанатите компоненти. Инаку, на крајот на декември лани годишниот раст на депозитите на корпоративниот сектор беше 13,2 отсто. Ако се анализираат промените на месечно ниво, пак, сличен бил падот и во март лани, кога депозитите на фирмите на месечна основа се намалиле за 2,2 отсто.
Прочитај повеќе
Народната банка ја задржа основната каматна стапка на нивото од 6,30 проценти
Потребата од стабилизирање на инфлацијата на историски ниските нивоа главна причина за ваквата одлука.
17.04.2024
Народна банка бележи значителен раст на „зелените кредити“
Станува збор за заеми наменети за проекти коишто поддржуваат одржливи, еколошки цели, или цели коишто придонесуваат за зелената транзиција во општеството.
08.04.2024
Анализа: Повисоките плати ќе ги потрошиме, штедењето во втор план
Македонија бележи релативно ниско ниво на потрошувачка, од околу 50 проценти од просекот на ЕУ.
04.04.2024
Македонските банки ќе мора да ги намалат трошоците, можни се отпуштања
За да генерираат органски раст на приходите, банките мора значително да инвестираат во технолошки решенија.
02.04.2024
Вкупните депозити на граѓаните и на фирмите во банките на крајот на март изнесуваат 8,6 милијарди евра, а тие на корпоративниот сектор се 2,4 милијарди евра. Остатокот се депозити на домаќинствата, кои во март на месечна основа пораснале за 0,1 процент, а на годишна основа се зголемиле за 8,7 проценти. Растот кај двете основи се должи на повисоките долгорочни депозити и депозитните пари, во услови на забележан пад на краткорочните депозити, се наведува во извештајот.
Кредити на домаќинствата и на фирмите
Вкупните кредити во март забележаа месечен раст од 0,3 отсто, поради зголеменото кредитирање на секторот домаќинства. Годишниот раст изнесува 6,1 отсто и се должи на повисоките кредити на двата сектора, со поголем придонес на секторот домаќинства.
Во март 2024 година, гледано според намената на кредитите одобрени на физичките лица, кај потрошувачките кредити е забележан раст од само 0,4 отсто, а кај станбените кредити за 1 процент. Станбените кредити на годишно ниво пораснале за 10,4 проценти. Автомобилските кредити овој месец се зголемени за 13,1 проценти на годишна основа, соодветно, додека кредитите одобрени на кредитните картички забележаа месечен и годишен пад. На годишно ниво, долгот по основ на кредитни картички е намален за 4,7 проценти.
.webp){kind=icon}
