Наголемо се подготвува новогодишната потрошувачка кошничка со околу 500 производи и граѓаните треба да ја очекуваат наредниот месец, изјави Марјан Ристески, заменик министер за економија и труд. Тој рече дека се извршени сите консултации со стопанските комори, синдикатите и Оранизацијата за заштита на потрошувачите.
„Со една многу добро, внимателно подготвена анализа ќе излеземе за новогодишната кошничка за брзо време. Се надевам дека ќе имаме повеќе од 500 производи кои ќе бидат опфатени со намалување на цените, односно повеќе групи на производи. Ќе има и некои различни производи од есенската потрошувачка кошничка. За граѓаните најбитно е што ќе бидат опфатени производи кои се најзастапени на трпезата за Нова година и за празниците“, изјави Ристески.
Тој е уверен дека потрошувачката кошничка ќе донесе бенефити за граѓаните.
Прочитај повеќе
Владата ја ограничи маржата на 73 прехранбени производи
Ограничувањето на маржите ќе почне по објавата на владината одлука во Службен весник, а ќе се применува до 31 октомври.
20.09.2024
Владата ги ограничи маржите за училишниот прибор
Владата донесе одлука за ограничување на маржата за училишниот прибор, и тоа на 5 отсто за големопродажба и 10 отсто за малопродажба.
03.09.2024
„Граѓаните секако треба да ги очекуваат бенефитите од новогодишната потрошувачка кошничка. Ние најавивме повеќе такви потрошувачки кошнички за најголемите празници кога потрошувачката на одредени производи е најголема. Со ова имаме две цели - да не дозволиме инфлацијата да оди нагоре, како и стабилизирање на цените на основните прехранбени производи“, посочи Ристески.
Министерството за економија и труд будно ја следи примената на Законот за нефер трговски практики. Договорите се потпишани со маркетите. Има детектирани два клучни проблеми, повратот на стоката и маркетингот.
„Со Владата и со Комисијата за заштита на конкуренцијата ќе гледаме да донесеме соодветни одлуки кои ќе бидат во интерес и на производителите и на добавувачите на маркетите и секако во интерес на потрошувачите“, рече Ристески.
.webp){kind=icon}
Во моментов нема коментари за веста. Биди прв да коментира...