Во Македонија, рестрикции на електрична енергија не се опција. Овие мерки за штедење кои беа усвоени мора само да придонесат да нема рестрикции. Правиме максимални напори да произведеме доволно електрична енергија од домашни извори и да не се потпираме на увоз затоа што, знаеме дека во зимските месеци цената на струјата може да достигне и до 1.000 евра за мегаватчас, изјави Васко Ковачевски, директор на АД Електрани на Северна Македонија (ЕСМ).
Државната компанија се потпира најмногу на термолекетраните ТЕЦ Осломеј и РЕК Битола, чие производство во последниот период расте, иако во последната деценија е опадната за повеќе од 40 отсто. Ковачевски вели дека станува збор за стари капацитети и дека во иднина планираат да се потпираат повеќе на други извори на енергија. Македонија моментно чека јаглен од увоз, а во меѓувреме објави и нови огласи.
„За 2022 во планот за производство имаме предвидено сопствен ископ од 5 милиони тони за потребите на термоелектраните во Битола и Осломеј и дополнително набавивме 550.000 илјади тони. Објавен е јавен повик за 950.000 тони јаглен за двете електрани. Со овие ресурси ќе ја пребродиме зимската сезона. Се подготвуваме и за дополнителни производствени количини од ТЕЦ Неготино која по 12 години успешно беше рестратирана и помогна во зимскиот период. Очекуваме дека со 100.000 тони мазут кои ќе пристигнат во наредните два-три месеци ќе ги задоволиме потребите, рече Ковачевски.
Поопширно во видеото
.webp){kind=icon}
