Просечната плата во земјава во јуни изнесувала 31.869 денари и во однос на лани е зголемена за високи 10,9 отсто, соопшти вчера државниот завод за статистика.
Со ваквиот висок раст на платите вчера се пофали и Владата. Од таму велат дека нивните мерки даваат позитивни резултати и затоа просечната плата за една година се зголемила за 3.125 денари.
„Ваквиот тренд на континуирано зголемување на просечната нето плата во земјата е резултат на економските мерки и политики што ги спроведува Владата за раст на просечната и на минималната плата која изнесува 18.000 денари. Владата продолжува со креирање на мерки и на амбиент за повисоки стапки на економски раст и раст на приходите на сите граѓани, со цел да се унапреди животниот стандард на граѓаните особено во услови на криза“, соопшти Владата.
Според податоците на Државниот завод за статистика, растот во оваа една година го предводат платите во угостителско туристичкиот секор кои се зголемени за над 20 отсто.
И покрај високиот раст, платите кај туристичките и угостителските работници и натаму се под државниот просек. Просечната плата во јуни кај нив изнесува 24.808 денари по вработен. Хотелирите биле поплатени и заработувале 28.866 денари, а вработените во рестораните заработувале просечни 22.406 денари. Во групата работници со плати над просечната остануваат истите како и претходно. А со просек од 1000 евра се само вработените во ИТ секторот.
И покрај номиналниот раст на платите во последниот период, реалната плата се намалува како резултат на инфлацијата која во јули достигна рекорнди 16 отсто. Според пресметките на ДЗС, релано просечната платаа за една година е за над 3 отсто помала од лани.
Сојузот на синдикатите на Македонија пак, пресмета дека просечната плата минус инфлацијата во земјава сега е на нивото од 26.769 денари. Минималната плата пак, која од март изнесува 18.000 денари заради високите цени сега вреди 15.120 денари. Заради ова ССМ бара итно покачување на платите во земјава
.webp){kind=icon}
Во моментов нема коментари за веста. Биди прв да коментира...