.webp){kind=icon}
РЕК Битола викендов ќе работи со еден блок. Утрово во термоелектраната е исклучен вториот блок заради одржување кое ќе трае 48 часа. Најдоцна до понеделник вториот блок ќе биде повторно ставен во функција, вели за Блумберг Адриа, директорот на ЕСМ, Васко Ковачевски.
„Ние рековме дека оваа година нема да правиме вообичаени ремонти. Нема да ги исклучуваме блоковите по два три месеци заради таа цел. Ќе вршиме одржување на блоковите кое ќе трае многу пократко. Такво е и денешното исклучување“, објаснува Ковачевски.
Според него, одбран е овој викенд затоа што деновиве е намелен конзумот на струја и потребите можат да се задоволат преку работата на само еден блок од РЕК - от, ТЕЦ Неготино и хидроцентралите.
Прочитај повеќе
Владата прогласи енергетска кризна состојба
Кризната состојба за снабдување со струја важи за целата држава, а за снабдување со парно важи во Скопје
25.08.2022
Димитров: Да се укине ДДВ за струја од обновливи извори
Енергетичарите предлагаат Владата да ги олесни условите за поставување фотоволтаици
25.08.2022
Енергетска кризна состојба - дали државата ќе се справи со ударот?
Денеска се очекува Владата да прогласи кризна состојба во енергетскиот сектор.
25.08.2022
Астрономски раст на цената на струјата - се доближува до 900 евра
Германските цени на електричната енергија за следната година стигнаа до 725, а француските до 880 евра за мегават час
25.08.2022
„Заради намалената потрошувачка имаме и вишок на струја во ноќните часови. Тоа е обично во периодот од 2 до 7 часот наутро. Таа струја ја продаваме на слободен пазар по цена нешто повисока од 300 евра на мегават час“, вели Ковачевски за Блумберг Адриа.
Во очекување на најтешката зима досега во однос на снабдувањето со струја, ЕСМ планира во текот на грејната сезона, од ноември, да работат сите три блока на РЕК Битола, а во функција да биде ставена и ТЕЦ Осломеј. Заедно со ТЕЦ Неготино и хидроцентралите, власта очекува дека нема да има рестрикции зимава.
„Во моментов постојниот трансформатор се наоѓа на сервисирање во Белград, а истовремено извршена е и јавна набавка за купување на нов трансформатор што не е направено 40 години од пуштањето во работа на РЕК Битола. Очекуваме на крајот на септември или на почетокот на октомври еден од трансформаторите да пристигне и на крајот на октомври да бидеме во полна капацитетност со РЕК Битола за да може еден од блоковите да влезе во краток ремонт“, вели Ковачевски.
Во функција ќе биде ставен и РЕК Осломеј кој се очекува да работи со полн капацитет во текот на грејната сезона.
Првпат годинава, двете термоцентрали, РЕК „Битола“ и РЕК „Осломеј“ произвеле за речиси 40 отсто повеќе струја од лани. Според податоците на државната ЕСМ, за седум месеци годинава во нив биле произведени 1559 гигават часови електрична енергија, а во истиот период лани 1126.
Додека земјава се обидува да ги стави во погон сите енергетски капацитети за да нема рестрикции зимава, цената на струјата на светските берзи од ден за ден има нови рекордни нивоа. Вчера струјата за следната година во Франција се продаваше по цена од 880 евра за мегават час.
Македонското стопанство е особено погодено од цените на струјата на светските берзи затоа што тие енергенсот го купуваат на отворен пазар. Според пресметките на компаниите, уделот на трошокот за струја во јули годинава се зголемил меѓу 7 и 10 отсто во вкупните оперативни трошоци, а до лани изнесувал од 1,3 до 2,3 отсто.
„Сметките за месец јули веќе претставуваат 7-10 отсто од месечните трошоци. Додека кај производствените компании износот е енормно зголемен споредбено со другите оперативни трошоци. За илустрација една средна производна компанија која има годишен обрт од пет милиони евра треба да плати трошоци за струја (според пресметката во јули) од милион евра. Слична е ситуацијата и во услужните дејности каде цената на струјата е поскапена до шест пати“, објаснува Дрилон Исени, извршен дирекрот на Стопанската комора на Северозападна Македонија за Блумберг Адриа.
Заради ова, сите комори во земјава бараат итна реакција од Владата. Цената на струјата на унгарската берза од каде домашните компании купуваат струја денеска, за следната година се продава по над 750 евра за мегават час.
Според пресметките на комората домашните компании плаќаат највисоки сметки за струја во целиот регион и затоа бараат Владата да најде начин да им помогне пред да мораат да го намалат производството и бројот на вработени.
