Народна банка ја ревидираше проекцијата за инфлацијата нагоре. До крајот на годината таа ќе изнесува 3,9 отсто, наместо 3 отсто како што беше предвидено во април. На среден рок ќе се врати на историскиот просек од два отсто, рече денеска гувернерот на НБРМ Трајко Славески.
Повисоката инфлација е причина НБРМ и овој месец да ја задржи основната каматна стапка на 5,35 отсто. Оваа стапка последен пат беше променета во февруари годинава.
Покачувањето на платите и пензиите има влијание на лепливоста на инфлацијата. Гувернерот се надева дека во следната година зголемувањето на пензиите ќе биде согласно законската формула.
Прочитај повеќе
Митреска: На среден рок инфлацијата ќе се врати на историскиот просек
Многу е веројатно дека Народната банка во својот следен извештај ќе направи нагорна корекција на инфлацијата, а растот на цени ќе се врати на својот историски просек дури на среден рок.
29.10.2025
Народна банка: Експертите очекуваат забрзување на инфлацијата во Македонија
Очекувањата за стапката на инфлација за 2025 година се повисоки во однос на претходната анкета и упатуваат на просечна стапка од 3,9 проценти (3,5 проценти во претходната анкета).
16.10.2025
Инфлацијата во еврозоната се намали на близу два отсто
Инфлацијата во еврозоната малку се намали, но остана над два отсто, што оди во прилог на одлуката на Европската централна банка (ЕЦБ) да ги задржи трошоците за позајмување таму каде што се.
31.10.2025
Економскиот раст забрзува. НБРМ нагоре ја ревидираше и стапката на раст на БДП од претходните 3 на 3,5 отсто до крајот на годината. На среден рок растот ќе стигне до 4 отсто.
„Домашната побарувачка, бруто-инвестициите и личната потрошувачка и натаму се главните двигатели на растот, поддржани од зголемувањето на расположливиот доход на домаќинствата и од солидната кредитна активност на банките, надополнета со поволната државна кредитна поддршка за фирмите“, рече гувернерот.
Според Славески, во првите девет месеци од 2025 година кредитната активност забележа силен раст кој би продолжил и до крајот на годината.
„Во периодот 2025 - 2028 година се очекуваат солидни нето-приливи на финансиската сметка кои би се искористиле за финансирање на дефицитот на тековната сметка. Во однос на структурата, најголемиот дел од приливите на нето-основа се очекуваат во форма на странски директни инвестиции и долгорочно задолжување на државата во странство. За целиот период на проекцијата се очекува зголемување на девизните резерви и натамошно соодветно ниво за одржување на стабилноста на домашната валута“, рече гувернерот.
.webp){kind=icon}
