Работата од дома имаше влијание на растот на цените на куќите како и на цените за изнајмување за време на пандемијата и веројатно ќе ги зголеми трошоците и инфлацијата во иднина, стои во прогнозата на Федералните резерви од Сан Франциско .
„Транзицијата кон работа од далечина заради Пандемија Ковид-19 беше клучен иницијатор на неодамнешното зголемување на цените на недвижностите“, напишаа економистите Август Кмец и Џон Монддрагон, од ФЕД, Сан Франциско, и Јоханес Виланд од Универзитетот Калифорнија во Сан Диего.
Цените на куќите се зголемија за 24 отсто за две години, заклучно со ноември 2021 година, напишаа авторите.
Повеќе од 60 отсто од ова зголемување може да се припише на порастот на работата од дома за време на пандемијата - тренд што опстојува, затоа што дури 30 отсто од луѓето се уште работат од дома, покажуваат податоците од минатиот месец.
„Ова укажува на тоа дека темелите на домувањето се променети, така што упорноста на работата на далечина веројатно ќе влијае на идната траекторија на цените на недвижностите и инфлацијата“, напишаа економистите.
Авторите, кои се прилагодиле на информациите за престој, за да ја земат предвид миграцијата од скапите градови во поприфатливи области што се случиле за време на пандемијата, откриле дека секое зголемување од еден процент на работата од дома резултира со зголемување на цената на куќите за околу 0,9 процентни поени. Влијанието врз цената за изнајмување е идентично.
.webp){kind=icon}
