Си Џинпинг рече дека кинеската економија е отпорна и вети подобрување на економските врски со другите земји на почетокот од третиот мандат на чело на Комунистичката партија во земјата.
„Кина не може да се развива изолирана од светот. А и глобалниот развој има потреба од Кина“, рече Си Џинпинг обраќајќи се на публиката и кинеските и странски новирани по затварањето на партискиот конгрес.
Настанот, кој се одржува два пати во една деценија, се случува во време на зголемена загриженост за втората најголема економија во светот, чиј раст е погоден од строгите Ковид контроли и длабокиот пад на пазарот на недвижнини. Џинпинг се обиде да ја оттргне таа загриженост повикувајќи се на долгорочните прогнози за раст на земјата.
Прочитај повеќе
Кина ќе отвори скоро третина од новите рудници за јаглен во светот
Австралија е втора со 17 отсто учество, а по неа следат Индија и Русија со по 16 отсто.
29.09.2022
„Во моментов кинеската економија е отпорна. Економскиот потенцијал е голем. Постои голем маневарски простор“, рече Џинпинг, додавајќи дека долгорочно здравата економска основа нема да се промени.
На партискиот конгрес Џинпинг се заложи за политика на „двојна циркулација“, обид Кина да се изолира од економските шокови и американските санкции, но истовремено да ги задржи стратешките трговски и инвестициски врски со остатокот од светот. Џинпинг нагласи дека економското отварање на земјата ќе биде пошироко. Тој, исто така, вети промени во економската политика насочени кон подобрување на растот, при тоа не наведувајќи детали.
„Целосно ќе ги продлабочиме реформите и самото економско отварање, силно поттикнувајќи го напред висококвалитетниот развој“, рече Џинпинг.
„Bloomberg Economics“ проценува дека Кина може да расте во просек за околу 4,6 проценти на годишно ниво во текот на следната деценија ако продолжат веќе најавените реформи како покачување на надоместокот за пензионирање и ублажување на ограничувањата за престој во градовите.
Bloomberg Mercury
Претходниците на Си Џинпинг си поднесуваа оставки од челната партиска позиција по два петгодишни мандати, но исходот од овој конгрес значи дека Џинпинг би требало да остане на највисоката позиција барем до 2027 година. Се очекува дека следната година ќе ги именува своите долгогодишни соработници на клучните економски позиции во владата.
Во партискиот извештај од конгресот минатата недела, Џинпинг нагласи дека економскиот развој е главен приоритет на партијата, но додаде и дека развојот треба да биде урамнотежен со националната безбедност. Фокусот во следните пет години ќе биде на развој на стратешка технологија, додаде Џинпинг.
.webp){kind=icon}
