Банкарите од американските Федерални резерви (ФЕД) објавија четврто по ред зголемување на каматните стапки за 75 базични бода, истовремено сигнализирајќи дека нивната агресивна кампања за зауздување на инфлацијата може да се приближи кон завршна фаза. Надлежните рекоа дека веројатно ќе биде потребно тековно зголемување за каматите да се доведат до ниво што е доволно рестриктивно за да ја врати инфлацијата на два отсто со текот на времето.
„При одредувањето на темпото за раст на каматите во иднина, одборот ќе го зема предвид кумулативното заострување на монетарната политика, која влијае на економската активност и на инфлацијата, како и економскиот и финансискиот развој“, велат од ФЕД. Ова доаѓа како освежување во период на сѐ уште силна инфлација и добри податоци за вработувањето во САД, иако секторите како недвижности и производство значајно забавија.
Bloomberg Mercury
Прочитај повеќе
Поранешниот претседател на ФЕД очекува раст на доларот и во 2023
Алан Гринспен гледа монетарен „ветер во грб“ за доларот во 2023 година, независно од политиките на ФЕД
02.11.2022
„Морган Стенли“ предвидува крај на острите политики на ФЕД
Според стратезите, овонеделниот состанок на ФЕД е клучен за напредок, пауза или крај на економскиот раст
31.10.2022
„Голдман Сакс“: Стапката на ФЕД ќе достигне 5 отсто во март
Економистите на „Голдман Сакс“ велат дека сега очекуваат американската централна банка да ги зголеми каматните стапки на 5 отсто.
30.10.2022
Со едногласната одлука се покачува референтната каматна стапка во опсег од 3,75 до четири отсто, што претставува највисоко ниво од 2008 година. По ваквите вести, американските акции го избришаа претходниот пад, додека приносите од 10-годишните обврзници останаа ниски. Доларот го продлабочи падот.
Инвеститорите очекуваат да се знае нешто повеќе за тоа дали ФЕД ќе го намали темпото на зголемување на каматите, почнувајќи од својот следен состанок во декември. Но задачата на централните банкари не е лесна. Со оглед на тоа што беа критикувани дека го пропуштиле, односно допуштиле тврдоглав раст на инфлацијата, тие знаат дека монетарната политика функционира со задоцнување и дека колку е построга толку повеќе ја забавува не само инфлацијата туку и економскиот раст и вработувањето.
Прогнозите на ФЕД во септември подразбираа намалување за 50 базични бодови во декември. Според просечните процени се покажува дека стапката ќе достигне 4,4 отсто оваа година и 4,6 проценти следната година, пред да се намали во 2024 година.
На овој состанок на банкарите од ФЕД не беа објавени нови очекувања и тие нема да бидат повторно ажурирани пред следниот состанок, кој треба да се одржи на 13 и 14 декември, до кога ќе има податоци за вработувањето и за инфлацијата уште за два месеца.
Мнозинството економисти што ги анкетира „Блумберг“ во текот на минатиот месец очекуваа зголемување од 50 базични бодови во декември, но речиси третина од нив прогнозираат петто зголемување за 75 базични бодови. Тие очекуваат следната година каматните стапки да го достигнат врвот од пет проценти.
И инвеститорите имаат слични прогнози, но поделени меѓу зголемување од 50 и 75 базични бодови за следниот состанок на ФЕД во декември, а очекуваат највисока стапка од пет отсто во текот на 2023 година.
Најсилната кампања на ФЕД за покачување на каматните стапки од 1980-тите години почнува да лади некои делови од економијата, особено секторот за недвижности. Но креаторите на политиките допрва треба да видат значаен напредок во поглед на инфлацијата. Уште не дојде ни до значајно попуштање на пазарот на работна сила. Според податоците за тој сектор, во септември беше достигнато најниско ниво на невработеност во последните 50 години, од 3,5 отсто. Побарувачката за работници остана силна, со 1,9 слободно место на секој невработен, покажуваат податоците на американското министерство за труд објавени вчера.
.webp){kind=icon}
