.webp){kind=icon}
Примарните статистички показатели за економската активност на САД во третото тримесечје даваат мешана слика за економијата по бледата прва половина од годината.
Бруто-домашниот производ (БДП) приспособен на инфлацијата, или вкупната вредност на сите добра и услуги произведени во економијата, порасна по годишна стапка од 2,9 проценти, покажуваат податоците од американското министерство за трговија. Тоа е ревизија во нагорна линија на потрошувачката од домаќинствата и деловната потрошувачка, споредено со претходно пријавениот раст од 2,6 проценти.
Во меѓувреме, друг клучен официјален показател на активноста, познат како бруто-домашен доход, порасна по стапка од 0,3 отсто во третото тримесечје, по падот од 0,8 отсто во претходниот квартал. Тоа е мерка за остварениот приход и трошоците настанати од производството на тие стоки и услуги.
Движењето на БДП и на бруто-домашниот доход / Bloomberg Mercury
Просекот од двете бројки, мерка за доверба во деловниот циклус на Националната агенција за економски истражувања и користи кога се очекува рецесија, порасна за 1,6 отсто по падот во првата половина од годинава.
За креаторите на политиките од американските Федерални резерви (ФЕД), кои ги подигнуваат каматните стапки со најбрзо темпо во генерацијата, вкупната слика за растот е тоа што сакаат да го видат, во согласност или малку под долгорочниот тренд на економијата, можеби доволно за да ја забави инфлацијата, но уште не сигнализира рецесија.
Во меѓувреме, клучниот показател на инфлацијата, индексот на цени за лична потрошувачка, вклучувајќи храна и енергија, порасна за 4,6 проценти на годишно ниво во третото тримесечје. Темелната слика на растот покажува слични прелиминарни податоци. Додека поединостите се покажаа како отпорни за потрошувачката на домаќинствата и деловните вложувања, најголем придонес за БДП беше нестабилната категорија на нето-извозот. Порасна и државната потрошувачка. Домашната побарувачка, одземајќи ја компонентата за трговија и резерви, како клучна мерка за основната побарувачка, позната како конечна продажба на домашни купувачи приспособена на инфлацијата, се зголеми само за 0,9 отсто во третото тримесечје.
Податоците за БДП покажуваат дека личната потрошувачка во најголем дел од економијата порасна за 1,7 отсто, што претставува забавување во однос на претходниот квартал, но е повеќе во однос на претходно објавеното зголемување од 1,4 отсто. Расходите за услуги пораснаа, додека издатоците за стока паднаа во третиот квартал. Гледајќи нанапред, потрошувачката на домаќинствата би требало да поттикне раст во четвртото тримесечје.
Корпоративни профити / Bloomberg Mercury
Податоците за потрошувачка приспособени на инфлацијата во октомври ќе бидат објавени в четврток. Во целата економија, приспособената корпоративна добивка пред оданочување се намали за 1,1 отсто во минатото тримесечје, што е прв пад од 2020 година, но порасна за 4,4 отсто во однос на истиот период од минатата година. Оваа година многу компании успешно ги прескокнаа поголемите трошоци за работа и материјали во обид да се заштитат или дури и да ја зголемат својата профитна маржа. Но некои компании неодамна покажаа двоумење во врска со натамошното агресивно зголемување на цените поради неизвесните економски опкружувања.
