Глобалната продажба на паметни телефони нема да се зголеми до празничната сезона на крајот од 2023 година, предупреди доставувачот на батерии ТДК (TDK Corp), нудејќи досега највнимателна перспектива на слабиот пазар погоден од инфлаторни и геополитички притисоци.
ТДК, со седиште во Токио, кој обезбедува батерии за целата мобилна индустрија, вклучувајќи и за ајфон на „Епл“ (Apple Inc), гледа малку индикации за закрепнување по големиот пад на продажбата на мобилни телефони, особено на клучниот пазар во Кина.
„Не слушам никакви весели ставови од клиентите и очекувам дека ситуацијата со која се соочуваме денес ќе трае до средината на следната година, по што ќе следува постепено закрепнување од крајот на следната година“, рече во интервјуто претседателот на ТДК, Нобору Саито. Тој информира за објавување нови уреди во втората половина на 2023 година, како катализатор за закрепнување на позитивното расположение.
Пазарот на паметни телефони претрпе голем удар од глобалното економско забавување, што произлегува од зголемувањето на каматните стапки на централните банки, заклучувањето во Кина поради политиката на нулта ковид и руската инвазија на Украина. Производителите и доставувачите на телефони ја започнаа оваа година очекувајќи да забележат раст на продажбата, но се соочија со двоцифрен пад на нивните најважни пазари. Дури и „Епл“ ги намали плановите за производство на телефони откако забележа побарувачка послаба од очекуваното за своите нови уреди ајфон 14.
„Епл“ го намалува пласманот на новиот ајфон за три милиони додека побарувачката се лади
„ТДК претходно предвидуваше продажба од околу 1,3 милијарда мобилни телефони во годината што завршува во март, но сега ја намали таа процена за 10 проценти“, информира Саито, кој ја презеде раководната функција во април годинава. Тој претходно ја предводеше единицата за сензори на компанијата, претворајќи ја од загубар во профитабилен сектор.
Процената на ТДК за тоа колку долго би траело закрепнувањето е најпесимистична меѓу колегите од индустријата. Другиот јапонски производител на компоненти „Таијо Јуден“ (Taiyo Yuden Co) очекува закрепнување веќе во првиот квартал од 2023 година, додека „Мурата“ (Murata Manufacturing Co), со седиште во Кјото, очекува пораст во вториот квартал. Трите доставувачи се дел од столбот на снабдувањето со основни компоненти за мобилната индустрија.
„Побарувачката за паметни телефони дополнително паѓа“, предупредува клучниот доставувач за ајфон.
Што велат аналитичарите на „Блумберг“?
„Побарувачката за кинески паметни телефони останува слаба, но побарувачката за помали производи со висок капацитет што се користат може да се зголеми со неодамнешното претставување на моделите. Побарувачката за ајфон може да забележи сезонски пад во ноември или декември, така што секое подобрување на кинеските паметни телефони може да биде значајно за побарувачката на кондензатори“, велат Масахиро Вакасуги и Брајан Моран, аналитичари на „Блумберг интелиџенс“.
„Епл“, чие седиште е во Купертино, Калифорнија, се соочува со сè поголем притисок да изгради производствен капацитет надвор од Кина, каде што неговиот клучен комплекс за склопување на ајфон про во Женгжу оваа година беше оптоварен со предизвиците од коронавирусот и мерките за заклучување. Саито од ТДК не гледа излез во блиска иднина.
„Дозволете ми да појаснам дека Кина ќе остане еден од најважните пазари за нас и ТДК е посветена да го задржи капацитетот за снабдување доволно голем за да ја поддржи огромната побарувачка таму“, рече Саито.
ТДК произведува 60 проценти од своите производи во Кина и 50 отсто од продажбата е во таа земја, која наедно е и најголемиот пазар на паметни телефони во светот. „Тие пропорции нема драстично да се променат во годините што доаѓаат“, смета Саито.
„Одлуките за тоа каде ги произведуваме нашите стоки во голема мера зависат од тоа како би постапиле нашите клиенти. Не мислам дека нашиот производствен капацитет во Кина многу ќе се намали, а не очекувам ниту многу да се зголеми“, рече претседателот на ТДК.
.webp){kind=icon}
