Главниот извршен директор на „Уни кредит“ (UniCredit SpA), Андреа Орсел, се приклучи кон хорот на претпазлив оптимизам кој го формира глобалната елита во Давос, велејќи дека Европа може да забележи благ позитивен раст оваа година, иако постојат ризици, вклучувајќи ја војната во Украина и зголемените трошоци за задолжување.
Прочитајте повеќе: ММФ очекува тешка година, од ЕЦБ се оптимисти
Во меѓувреме, Илон Маск ги измеша работите барајќи од корисниците на неговата платформа „Твитер“ да гласаат дали Светскиот економски форум (СЕФ/WEF) треба да го контролира светот.
Најважните моменти од претпоследниот ден на форумот вклучуваат обраќање на јужнокорејскиот претседател Јун Сук Јеол и панел на тема „Пронаоѓање на новиот раст на Европа“ со Кристин Лагард. На претседателката на Европската централна банка (ЕЦБ) ќе и се придружат извршниот директор на „Дојче банк“, Кристијан Севинг, холандскиот премиер Марк Руте и потпретседателот на Европската комисија, Валдис Домбровскис. Грчкиот премиер Киријакос Мицотакис највено е дека ќе одржи средба за прашања и одговори.
На ТВ „Блумберг“ ќе имате можност да следите ексклузивни интервјуа со шефот на СНБ (SNB), Томас Џордан, ко-основачот на групацијата „Карлајл“ (Carlyle), Дејвид Рубенштајн, извршниот директор на „Морган Стенли“ (Morgan Stanley), Џејмс Горман, извршниот директорот на Банката на Америка, Брајан Мојнихан и британскиот министер за бизнис, Грант Шапс, меѓу многу други.
Британија предупредува на „опасни“ субвенции од САД (10:10 часот)
Програмата за зелени субвенции на претседателот Џо Бајден од повеќе милијарди долари е „опасна“, рече британскиот министер за бизнис на панел во Давос. Грант Шапс истакна дека Законот за намалување на инфлацијата во САД е „на раб да стане опасен бидејќи може да се лизне кон протекционизам“.
Прочитајте повеќе: Искри ќе летаат во трговската војна за електричните возила
Шапс рече дека земјите научиле и од пандемијата и од руската инвазија на Украина дека „мора да се потпираaт на себе“, но лидерите исто така треба да се погрижат да го задржат „светот што е можно поотворен“. За американскиот закон, тој нагласи дека „тоа е протекционизам, прашањето е само дали е намерен или не“.
Пакетот од американски субвенции за сè, од производство на зелена енергија до микрочипови го разбесни Брисел, бидејќи европските бизниси се закануваат да го префрлат производството во Америка. ЕУ подготвува одговор кој би можел да вклучи разводнување на правилата за државна помош.
Прочитајте повеќе: Што значи буквата С во ЕСГ? Еве како Маск го толкува тоа
Анкетата на Маск не изгледа добро за Давос (9:45 часот)
Маск, кој не е обожавател на Светскиот економски формум во Давос, објави анкета на „Твитер“ во која ги прашува корисниците дали СЕФ треба да го „контролира светот“.
Сосема очекувано, корисниците на платформата која Маск ја поседува, не беа за предлогот. Со повеќе од два милиона одговори во моментот, 86 отсто гласаа „не“.
.webp){kind=icon}
