Кредитниот ранг ААА на американската влада ќе остане негативен во рамките на оценувањето на рејтинг-агенцијата „Фич“ (Fitch Ratings), иако земјата засега го заобиколи ризикот од неисполнување на обврските со усвојувањето на новата легислатива во Конгресот и Сенатот за суспендирање на законската граница на долгот. Останува уште законското решение да го потпише претседателот Џо Бајден, за што од Белата куќа рекоа дека веројатно ќе се случи утре.
Агенцијата за кредитен проценител минатата недела предупреди дека највисокиот рејтинг на САД е под закана, преместувајќи го на „негативен рејтинг“ во услови на тогаш тековниот политички ќор-сокак што се закануваше да предизвика потенцијално неисполнување на долгот на нацијата. Но во меѓувреме законодавните институции го направија своето.
„Иако решавањето на ќор-сокакот на лимитот на долгот на САД ѝ овозможува на владата да ги исполни своите обврски, 'Фич' го задржува негативниот рејтинг разгледувајќи ги целосните импликации од најновата епизода на неспособност и изгледите за среднорочните фискални и должнички траектории“. вели Ричард Френсис, висок директор за суверен рејтинг на „Фич“.
Прочитај повеќе
Крај на драмата: Сенатот на САД го одобри зголемувањето на прагот за долгот
За усвојувањето гласаа 63 сенатори, а против беа 36 членови на Горниот дом.
02.06.2023
Стратезите во „ТД секјуритис“ (TD Securities) минатата недела ги предупредија клиентите дека „Фич“ може дури и да го намали рејтингот на САД, без оглед на исходот од дискусиите за горната граница на долгот.
.webp){kind=icon}
