text size
Инфлацијата во САД забави во мај, што е важен аргумент за функционерите на Федералните резерви (ФЕД), кои на состанокот оваа недела сакаат да ги паузираат зголемувањата на каматните стапки по повеќе од една година покачување.
Индексот на потрошувачките цени (CPI) и базичниот индекс, кој ги исклучува храната и енергијата, забавија на годишна основа, што го потенцира падот на инфлацијата од нејзиниот врв во текот на минатата година. Со 4 отсто, инфлацијата на годишно ниво сега е на најниско скалило од март 2021 година, според податоците што во вторникот ги објави Бирото за статистика на трудот.
Но настрана од тоа, клучниот показател за цените што ФЕД внимателно го следи продолжи да расте со загрижувачко темпо. Базичниот индекс се зголеми за 0,4 отсто трет месец по ред, што е во согласност со очекувањата. Вкупниот показател, сепак, се зголеми за пониски 0,1 отсто, главно поради поевтините цени на бензинот.
Прочитај повеќе
ФЕД ќе има лесна задача по извештајот за инфлацијата
Падот на цените на енергијата во мај би требало да надомести за добивките во другите категории.
13.06.2023
ФЕД подготвен за пауза, ЕЦБ и натаму ќе затегнува
Инфлацијата и натаму е над посакуваната цел на централните банкари.
11.06.2023
Попуштаат ценовните притисоци во САД
Инфлацијата на годишно ниво сега е на најниско скалило од март 2021 година
Bloomberg
Податоците доаѓаат само еден ден пред ФЕД да донесе одлука дали да ги зголеми каматните стапки на 11-от состанок по ред или да паузира и дополнително да ги процени економските услови.
Неколку креатори на политиките, вклучувајќи го и претседавачот Џером Пауел, сигнализираа дека претпочитаат да го прескокнат зголемувањето на каматните стапки на состанокот од 13 до 14 јуни, иако сè уште ја оставаат вратата отворена за идно заострување доколку е потребно. Економистите генерално се согласуваат дека в среда централната банка ќе ги остави стапките непроменети, но прогнозерите и креаторите на политиките не се согласуваат околу тоа дали економијата ќе бара уште едно зголемување на каматните стапки на собирот следниот месец.
Деталите покажаа дека домувањето, користените автомобили и осигурувањето моторни возила придонесуваат за месечниот раст. Во меѓувреме, авионските билети и покуќнината се намалиле.
Доколку се исклучат домувањето и енергијата, цените на услугите се искачиле за 0,2 отсто во однос на еден месец претходно, според пресметките на „Блумберг“.
.webp){kind=icon}
