На функционерите на Федералните резерви (ФЕД) што сакаат да го паузираат циклусот на затегнување на монетарната политика би требало да им биде уште полесно по објавувањето на податоците за индексот на потрошувачки цени подоцна во вторник, според анализата на „Блумберг економикс“.
„Падот на цените на енергијата во мај би требало да надомести за добивките во другите категории, така што главниот индекс треба да остане во суштина непроменет“, напиша Ана Вонг, главна економистка на „Блумберг“ за САД. „Без цените на храната и енергијата, месечната инфлација веројатно ќе изнесува 0,3 отсто, што е забавување во однос на априлскиот раст од 0,4 отсто“, додава таа.
Ваквите месечни зголемувања би резултирале со намалување на вкупната и базичната инфлација од година до година, што би требало да биде доволно за да се спречи Федералниот комитет за отворен пазар на американската централна банка да се одлучи за 11-то по ред зголемување на референтната каматна стапка в среда.
Прочитај повеќе
Акциите на „Епл“ пораснаа и затворија на рекордно ниво
Берзата во САД го задржа нагорниот импулс додека трговците се подготвуваат за пауза во затегнувањето на монетарната политика од ФЕД.
13.06.2023
ФЕД подготвен за пауза, ЕЦБ и натаму ќе затегнува
Инфлацијата и натаму е над посакуваната цел на централните банкари.
11.06.2023
ФЕД и натаму ќе ги зголемува каматите заради алчноста на корпорациите
Зголемените корпоративни профити се еден од главните двигатели на инфлацијата
12.06.2023
„Остриот пад на индексот на потрошувачки цени од година до година би можел да им помогне на функционерите или аналитичарите на FOMC, кои се насочени кон полабава монетарна политика и сакаат ФЕД да го прекине циклусот на покачување“, рече Вонг. „Ако мајскиот извештај за движењето на цените не донесе големо изненадување, FOMC најверојатно ќе паузира со подигање на референтната стапка на состанокот во јуни“, додаде таа.
Базичната (сина линија) и вкупната (бела линија) инфлација во САД на меѓугодишно ниво
Bloomberg
Според проекциите на „Блумберг економикс“, вкупната инфлација во мај ќе изнесува четири отсто, најмногу поради високата база. Базичната инфлација треба да забави од 5,5 проценти на 5,2 проценти.
Цените во некои категории, вклучувајќи ги и новите возила, се очекува да се намалат и покрај зголемувањето на цените на половните возила. Инфлацијата во основниот сектор на услуги би можела да падне на најниско ниво од септември 2021 година поради пониските кирии.
Проекциите на „Блумберг економикс“ се малку под просечните процени во истражувањето на „Блумберг“ меѓу надворешните аналитичари, кои очекуваат главниот индекс да порасне за 0,1 отсто, а базичниот за 0,4 отсто.
.webp){kind=icon}
