Федералните резерви на САД размислуваат дали да ангажираат неконвенционална работна сила за да помогнат во подобрувањето на банкарскиот надзор: бихевиористички научници.
Банката на федерални резерви размислува за нови чекори со цел да се пополнат празнините во надзорот што станаа очигледни по колапсот на банката „Силикон валеј“ (СВБ) и банката „Сигначур“ (Signature) претходно годинава, соопшти во вторникот највисокиот регулатор. Бихевиористичките научници, односно научници што се занимаваат со човековото однесување, би можеле да ги балансираат тимовите во кои сега доминираат адвокати и економисти.
„Ќе спроведеме проект низ системот за да видиме каде можеме да ги подобриме нашата супервизорска култура, однесување, практики и алатки и каде треба да ја промениме регулативата во следните шест месеци“, рече Мајкл Бар, потпретседател за надзор на настан организиран од ФЕД Њујорк. „Размислувам за имплементација на помултидисциплинарен пристап - вклучувајќи и доведување бихевиористички научници - за да помогнат во информирањето кои се следните чекори во супервизијата на банките.
Бар повика на сеопфатна повторна процена на барањата за американските финансиски фирми, откако регулаторите рекоа дека неуспесите на СВБ и „Сигначур“ откриле пропусти во надзорот. Поточно, тој во април рече дека ФЕД ќе разгледа како го надгледува и регулира управувањето со ликвидниот ризик поврзан со каматните стапки на банките.
.webp){kind=icon}
