Станарите во Сингапур и Лисабон што живеат под кирија почнаа да ги чувствуваат проблемите со зголемените цени на наемнините и на изнајмувањето. Во првата половина од оваа година цените на наемнините во градовите пораснале за повеќе од 13 отсто. Ниту во една земја во светот досега нема регистрирано толкаво брзо темпо на раст на цените на наемите. Според „Савилс“ (Savills Plc), причина за толкав раст е напливот на странци што решиле да живеат во Сингапур и Лисабон. Ограничената понуда на недвижности што се под наем дополнително ги зголеми цените, се наведува во извештајот за индексот на најголемите станбени градови во светот.
Лисабон, кој е на врвот на листата со раст на цената за изнајмување од 13,9 отсто, забележа прилив на странци што ја користеа програмата за златни визи на Португалија за време на пандемијата. Во Сингапур зголемените кирии станаа политичко прашање откако се поттикна незадоволство меѓу локалното население и иселениците. Според „Савилс“, цените на луксузните наемнини во Сингапур имале силен раст во првата половина на 2023 година. Очекувањата се дека наемнините за луксузните кирии да имаат мала надолна корекција на цените во втората половина од годината, бидејќи понудата се очекува да се зголеми.
Bloomberg Mercury
„Брзиот пораст на кириите донекаде е неодржлив и може да се каже дека овој раст се должи на доцнењето на мерките од пандемијата“, рече Алан Чеонг, извршен директор на „Савилс“ за Сингапур. За разлика од Лисабон и Сингапур, цените на наемнините во Хонгконг пораснале за 2,7 отсто за шест месеци, додека во Лондон забележале раст од 1,9 отсто. Кириите, пак, во Токио пораснале за 1,7 отсто, а во Њујорк за 1,6 отсто.
.webp){kind=icon}
