Федералните резерви на САД (Фед) очекувано ги задржаа каматните стапки во опсег од 5,25 до 5,5 отсто по дводневниот состанок во Вашингтон, кој заврши во средата вечер.
„Одборот оценува дека ризиците за постигнување на целите за вработување и инфлација се движат кон подобра рамнотежа“, соопшти Федералниот комитет за отворен пазар за креирање политики на централната банка. „При разгледување какви било приспособувања на целниот опсег на стапката, комитетот внимателно ќе ги процени дојдовните податоци, изгледите за развојот и рамнотежата на ризиците.
„Ние веруваме дека нашата основна стапка веројатно ќе биде на врвот за овој циклус на затегнување и дека, ако економијата генерално се развива како што се очекува, веројатно ќе биде соодветно да започнеме со олеснување на политичките ограничувања во одреден момент годинава. Ние сме подготвени да го одржиме тековниот целен опсег за федералните фондови, доколку е потребно, да отстапува и подолго“, рече претседателот на Фед, Џером Пауел.
Bloomberg Mercury
Пазарите сметаа на ваквата одлука на Фед, па веќе на големо се шпекулира кога централната банка би можела да го олабави монетарниот стисок и да ги намали каматните стапки. Инвеститорите гледаат приближно 40 отсто шанси тоа да се случи веќе во март, речиси осум месеци по последното зголемување на каматните стапки.
Но Фед вели дека е премногу рано да се шпекулира за таков пресврт и дека нивните одлуки се водат исклучиво од податоци, кои покажуваат дека борбата против инфлацијата е далеку од завршена. Поточно, од Федералниот комитет за отворен пазар изјавија дека „не очекуваат да биде соодветно да се намали целниот опсег додека не добијат поголема доверба дека инфлацијата одржливо се движи кон два процента“.
Преферираната мерка за инфлација на Фед, т.н. основен PCE индекс падна на 2,9 отсто, што е најниско ниво во претходните три години, но сепак е над декларираната цел на централната банка од два отсто. Вкупната инфлација е уште поголема и се искачи на 3,4 отсто во декември.
.webp){kind=icon}
Во моментов нема коментари за веста. Биди прв да коментира...