Меган Грејпер, извршна директорка за пазари на долгови во „Барклис“ (Barclays), изјави дека британската банка го зголемила својот фокус на прашања поврзани со животната средина, општеството и управувањето (ЕСГ - анг. ESG), додека многу конкурентски заемодаватели се повлекле од областа.
„Го удвоивме нашиот ангажман, додека другите се повлекоа“, рече Грејпер во најновата епизода од поткастот на „Блумберг“ - „Кредит еџ“ (Credit Edge).
Денес на Волстрит ЕСГ е речиси табу, додека администрацијата на американскиот претседател Доналд Трамп отворено ги напаѓа политиките насочени кон климатска неутралност и ги омаловажува иницијативите за промовирање на различноста, еднаквоста и инклузијата. Поради ова, глобалните банки, особено оние со големи операции во САД, се сè попретпазливи во јавното зборување за одржливоста.
Прочитај повеќе
Пазарите продолжуваат да ги игнорираат климатските ризици, а инвеститорите се сè повеќе изложени
Инвестициите штетни за животната средина даваат поголеми приноси од одржливите алтернативи
17.05.2025
Македонска банка оценета за христијански ЕСГ-стандарди
„Инспајар импакт скор“ е алатка што се користи во инвестицискиот свет за да се процени колку добро компанијата работи во согласност со христијанските вредности.
09.05.2025
ЕСГ падна во немилост, но парите сè уште сакаат „зелено“
Фондовите ги отфрлаат акронимите, но и натаму инвестираат во соларната енергија, шуми и биодиверзитет.
06.04.2025
Кампањата на Трамп против ЕСГ се одразува на зеленото финансирање на пазарите во развој
Продажба на зелени обврзници во 2025 година падна за околу една третина, на осум милијарди долари, што е најбавниот почеток на една година од 2020 година.
31.03.2025
Грејпер додаде дека американските корпорации сè поретко се фокусираат на ЕСГ, бидејќи оваа рамка подразбира дополнителна администрација. Компаниите што работат во денешната нестабилна средина бараат модели што им овозможуваат брзо да реагираат и да ги искористат кратките временски периоди за издавање обврзници.
„Многу американски издавачи велат дека потребата за брзо излегување на пазарот им го отежнува одлучувањето за зелена опција“, рече таа.
И покрај нестабилноста, ЕСГ трансакциите се сè уште можни, додаде Грејпер, наведувајќи ја емисијата на зелени хибридни обврзници од 1,9 милијарди евра (2,1 милијарди долари) од оваа недела од страна на „Фолксваген“ (Volkswagen), во чие организирање помогна и „Барклис“. Ова, верува тaa, покажува дека пазарот за зелени инструменти сè уште не е затворен.
.webp){kind=icon}
