Кампањата на Трамп против ЕСГ се одразува на зеленото финансирање на пазарите во развој

Реакциите во САД за климатските прашања ја погодуваат способноста на многу пазари во развој да соберат средства за еколошки проекти.

Нивната продажба на зелени обврзници во 2025 година падна за околу една третина, на осум милијарди долари, што е најбавниот почеток на една година од 2020 година, ако се изземе кинеското издавање, покажуваат податоците на „Блумберг“. Падот доаѓа и покрај зголемувањето на вкупното издавање на обврзници од пазарите во развој на 225 милијарди долари.

Ваквиот развој на случувањата следи по излегувањето на САД од Парискиот договор за климатски цели и од водечката улога во партнерството за енергетска транзиција за Јужна Африка, Индонезија и Виетнам.

Републиканската партија на американскиот претседател Доналд Трамп се обиде и да ги забрани стратегиите за ЕСГ инвестирање, поради што многу компании од Волстрит се повлекоа од своите климатски обврски.

Bloomberg Mercury

 

Ваквите потези ги комплицираат напорите на економиите во развој да добијат финансиска помош од побогатите нации за транзиција од енергијата на јаглен и загадувачките индустрии. Досега само Аргентина се закани дека ќе се повлече од Парискиот договор, но ефектите од излегувањето на САД веќе можат да се забележат на пазарот на обврзници.

„Разговорите околу тоа какви видови зелени инвестиции ќе дојдат на пазарот и кој е заинтересиран, забавуваа минатата година“, рече Џеф Грилс, раководител за американски средства и пазари во развој во „Ејгон асет менаџмент“ (Aegon Asset Management).

Оваа година, „Велс фарго“ (Wells Fargo & Co.) стана првата голема банка која ги напушти целите за ЕСГ финансирањето, по серијата заемодавци од Волстрит кои се повлекоа од „Нет-зеро бенкинг алајанс“ (Net-Zero Banking Alliance), најголемата климатска алијанса во банкарската индустрија.

Иако пазарот на зелени обврзници сè уште функционира, речиси 80 проценти од емисиите доаѓаат од издавачи од инвестициска класа, како што е Саудиска Арабија. Државата во февруари продаде дебитантска зелена еврообврзница во вредност од 1,5 милијарди евра (1,6 милијарди долари), а со цел да помогне во финансирањето на амбициозниот план за економска трансформација, привлекувајќи над седум милијарди евра нарачки од инвеститорите.

Историски гледано, економиите во развој - со исклучок на Кина и неколку други, како Полска и Чиле - заостануваат во светот во свртувањето кон пазарот на обврзници за финансирање проекти за намалување на емисиите на стакленички гасови. Многу нации, особено во Африка, допрва треба да соберат пари на овој начин.

Без гриниум

Сега неинвестициските издавачи изразуваат разочарување. Ангола веќе работеше на рамка за долгот што се однесува на целите на ЕСГ, но не беше воодушевена од потенцијалот за намалување на трошоците за задолжување преку такви обврзници, според министерката за финансии Вера Дејвс де Соза. Овој таканаречен гриниум, кој беше вообичаен во минатото, се потпира на силната побарувачка од инвеститорите.

„Нешто што нè прави помалку среќни е што сфативме дека гриниумот не е толку добар како што би требало да биде“, изјави Соза за „Блумберг“ во Њујорк минатиот месец. „Но, ние сè уште сме посветени да го тестираме. Ќе започнеме локално и после тоа ќе направиме калкулација како да го издигнеме на меѓународно ниво“, рече таа. 

„Вистинскиот проблем е во тоа што инвеститорите повеќе не плаќаат премија за овие прашања“, рече Џенифер Горгол, портфолио-менаџерка за корпоративни долгови на новите пазари во „Нојбергер Берман“ (Neuberger Berman). „Сега гриниумот е само  до пет базични поени, така што навистина нема повеќе бенефит за ширење на компаниите со издавање зелена обврзница“.

Падот на каматата од американските фондови значи промена на глобалните текови на пари, при што Европа и Кина играат поголема улога во одржливите инвестиции. Според податоците на „Морнинг дајрект“ (Morningstar Direct), фондовите со седиште во Европа, идентификувани како следачи на ЕСГ целите, привлекоа приливи во вредност од 3,5 милијарди долари во првите два месеци од годината. Во САД, пак, таквите фондови претрпеа околу 3,1 милијарди долари од одлив од клиентите.

„Побарувачката од европската страна продолжува да биде многу силна и насоката е многу поинаква од насоката по која што се оди во САД“, рече Стефен Рајхолд, раководител за ЕСГ во „Стоун Харбор инвестмент партнерс“ (Stone Harbor Investment Partners), со седиште во Њујорк, кој во декември лансираше фонд за влијанието на климата.

Одржливите инвеститори сè уште ги охрабруваат позајмувачите на во развиените земји да го искористат пазарот.
„Едно е да се каже дека имате добро управување и дека имате и план за декарбонизација, но имањето план за издавање зелени обврзници за да го поткрепите тоа ја прави вашата приказна попривлечна“, рече Алексис де Монес, менаџер на портфолио со фиксен приход во „Ешмор груп“ (Ashmore Group Plc).