Во првиот квартал од фискалната 2025 година (фискалната година завршува на 30 септември), „Сименс“ забележа рекордни резултати и ги надмина очекувањата на инвеститорите. Приходите пораснаа за 3 проценти во сите деловни сегменти освен „мобилност“ (ентитет фокусиран на железнички возила и инфраструктура). Следствено, вкупните нарачки за „Сименс“ паднаа за 7 отсто, главно поради остриот пад од 53 отсто на нарачките во „мобилити“, поради високата база во првиот квартал од 2024 година (големи нарачки прифатени во тој период). Другите ентитети во групацијата „Сименс“ бележат едноцифрено зголемување на нарачките. Крајниот резултат е дека „Сименс“ има заостанати нарачки во вредност од 118 милијарди евра и сооднос нарачки/сметки (book to bill) од 1,09. Поконкретно, нарачките што чекаат ги надминуваат тековните нарачки, што сигнализира континуиран раст на приходите и релативно стабилна побарувачка и извршување на нарачките.
Bloomberg
Реакцијата на пазарот на капитал беше целосно позитивна – по објавувањето на резултатите акцијата за еден ден порасна за 6,2 отсто. Во последниот месец акцијата порасна за 16,5 отсто и моментално се тргува на годишно ниво од 225 евра по акција. Инвеститорите позитивно реагираа на подобрениот прилив на нарачки и силната готовинска позиција.
Значителен раст на добивката
Прочитај повеќе
Зошто на зелената транзиција очајно ѝ требаат трансформатори?
Tрансформаторската индустрија е позиционирана за понатамошен раст на здрави основи.
23.09.2024
„Сименс“ планира да ја изгради најсилната турбина на ветер
Kомпанијата се обидува да ја задржи својата лидерска позиција во еден од најбрзорастечките енергетски сектори.
11.06.2024
Нето добивката се зголеми за 52 отсто, што исто така го зголеми ROCE (повратот на вложениот капитал) за 6,7 процентни поени на 29,7 отсто. Профитабилноста и приносите во овој период беа значително зголемени со продажбата на ентитетот „Иномотикс“ (Innomotics), кој е специјализиран за големи мотори и погони. „Иномотикс“беше продаден на партнерите на „КЦС Капитал партнерс“ (KCS Capital partners) како дел од иницијативата на „Сименс“ да се фокусира на бизниси со висока маржа и помалку интензивни капитал - автоматизација и паметна инфраструктура. Кога ќе се повлече линијата, „Сименс“ со овој потег заработи 2,1 милијарди евра (по оданочување), а заработката по акција (ЕПС) скокна за 52 отсто. Причина за загриженост може да биде фактот што оперативниот показател за профитабилност односно ЕБИТДА, падна за 21 отсто. Најголемиот пад на ЕБИТДА произлегува од „дигиталните индустрии“, каде што ЕБИТДА падна за 32 отсто. Главната причина е помалата искористеност на капацитетите, а на профитабилноста во овој квартал помогна и приливот на средства од продажбата на „Иноматикс“.
Како што е наведено погоре, „Сименс“ одржува силна готовинска позиција, слободниот готовински тек од работењето се зголеми на 1,6 милијарди евра, што претставува зголемување од 51 отсто во споредба со првиот квартал од 2024 година.
Очекувања за иднината
„Сименс“ ги потврди очекувањата наведени во извештајот за четвртиот квартал од 2024 година, во однос на растот на приходите и профитабилноста. Иако резултатите од првиот квартал од 2025 година ги надминаа очекувањата, „Сименс“ е внимателен со своите проекции, наведувајќи го скромниот макроекономски раст и нестабилното геополитичко опкружување, особено во форма на растечки протекционизам. Растот на приходите на ниво на групацијата „Сименс“ се очекува да биде во едноцифрен опсег, додека најголемите долгорочни двигатели на растот лежат во автоматизацијата, дигитализацијата и употребата на вештачка интелигенција, која моментално го задушува недоволното искористување на целосниот капацитет. Во моментов, пазарите за инфраструктура и електрификација остануваат силни и го одржуваат растот на приходите.
.webp){kind=icon}