Индексот S&P 500 немал полоша прва половина од годината од претседателствувањето на Ричард Никсон досега.
До крајот на јуни има уште седум работни дена, а од почетокот на годината индексот бележи пад од 21 отсто поради очекувањата дека токсичната мешавина од висока инфлација и зголемување на каматната стапка ќе ја одведат американската економија во рецесија. Последен пат S&P 500 падна толку многу во првите шест месеци од годината во 1970 година.
Инфлацискиот шок може да доведе до пад на индексот од 33 отсто од сегашното ниво на 2.525 во услови на стагнација со повисока инфлација, објави стратегот на Societe Generale SA, Маниш Кабра.
Клучната порака од 1970-тите е дека постои ризик берзите да се фокусираат на реалната, а не на номиналната заработка по акција, што веројатно ќе биде негативно оваа година ако инвеститорите мислат дека инфлацијата ќе остане висока на долг рок, сметаат од SocGen.
Вредност на S&P 500
Bloomberg Chartmaker
S&P 500 потона на мечкин пазар на почетокот на минатата недела, но закрепна во вторникот. Сепак, американските фјучерси во средата сигнализираа дека скокот може да биде краткотраен. Инвеститорите денеска ја чекаат изјавата на претседателот на ФЕД, Џером Пауел во Сенатот. Се очекува централата уште повеќе да се посвети на борбата против растот на цените.
.webp){kind=icon}
