Индексите на акциите во Јапонија, Јужна Кореја, Австралија и Кина паднаа, а најголем пад од 3,7 проценти имаше индексот на кинески компании Ханг Сенг. Финансиите беа секторот со најлоши пероформанси во Хонг Конг, со пад од близу 5 проценти во еден момент.
Инвеститорите ја преџвакаа веста дека кинеските банки престанале да купуваат обврзници издадени во зоната за слободна трговија во Шангај по засилената регулаторна контрола, што им наштети на средствата за финансирање на локалната власт.
Во останатиот дел од Кина, централната банка ја зголеми поддршката за јуанот преку посилна дневна референтна стапка, еден ден откако нејзиниот водечки весник објави коментар во кој се наведува дека земјата има доволно алатки за стабилизирање на слабеењето на валутата. Другите напори за зајакнување на јуанот вклучуваа одлука на најголемите кинески банки да ги намалат стапките на земјата во корпоративните депозити во американски долари од 453 милијарди долари, што е второ намалување за неколку недели.
Цените на фјучерсите во САД паднаа, продлобочувајќи го падот од средата, кога S&P 500 падна за 0,2 проценти. Инвеститорите ги очекуваат податоците за работните места во САД, што треба да бидат објавени до крајов на неделата, а кои дополнително ќе го осветлат патот за каматните стапки.
Приносите на 10-годишните државни обврзници на Австралија и Нов Зеланд се искачија на највисоките нивоа во 2023 година следејќи го вчерашниот раст на американските обврзници. Австралискиот извоз се зголеми во мај и го зголеми трговскиот биланс на земјата на 11,8 милијарди долари, надминувајќи ги проценките.
Обврзниците во Азија останаа стабилни откако 10-годишниот принос скокна на 3,93 проценти во претходната сесија, а двегодишната стапка се искачи на 4,94 проценти – што е највисоко ниво од март.
Тоа беше поттикнато од објавата на записниците на ФЕД кои покажаа поделеност меѓу креаторите на политиката околу одлуката за пауза во затегнувањето на монетарната политика на состанокот на централната банка во јуни и веројатност за зголемување на стапките во јули.
„Многу е тешко ФЕД да ја промени политиката во скоро време“, рече Сју Трин, ко-раководител за глобална макро стратегија во „Манјулајф Инвестмент Менаџмент“ (Manulife Investment Management), на телевизијата „Блумберг“. Претходните промени се случија со базична инфлација на околу половина од сегашните нивоа, што укажува на поголемо заострување во иднина, рече таа. „Ние сме позиционирани нешто поодбранбено на пократок рок“.
Bloomberg
Серијата извештаи за вработување во САД што треба да се објават денеска и утре ќе бидат клучни. Таканаречениот ЈОЛТС (JOLTS)- извештај за отворените работни места се очекува да покаже намалување на слободни позиции и се очекува зголемување на невработеноста, што би сигнализирало заладување на пазарот на трудот.
Во меѓувреме, министерката за финансии Џенет Јелен денеска патува во Пекинг за да се обиде да ги поправи односите меѓу двете најголеми економии во светот.
На пазарите во развој, централните банки на Малезија и Шри Ланка денеска ќе донесат одлуки за каматните стапки. Поместувањата на главните валути беа релативно пригушени, настрана од зајакнувањето на јенот за околу 0,3 проценти наспроти доларот. Веројатно трговците повторно ќе внимаваат и на јенот и на јуанот, со голед на тоа што не се очекува прекин на надолниот притисок врз овие валути.
Нафтата се искачи на повисоко ниво продолжувајќи го растот од средата. Златото поскапе, додека Биткоинот се тргуваше нешто над 30.000 долари.
.webp){kind=icon}
Во моментов нема коментари за веста. Биди прв да коментира...