.webp){kind=icon}
Акциите на најголемите американски компании паѓаат на германскиот „Трејдгејт“ (Tradegate), при што „Енвидија“ (Nvidia) ја предводи групата на седумте величествени со најголем пад, додека фјучерсите на американските акции паѓаат, пишува „Блумберг“ (Bloomberg).
„Енвидија“ падна дури за 17 проценти на „Трејдгејт“, а меѓу другите компании што паѓаат се: „Епл“ (10 проценти), „Мајкрософт“ (9 проценти), „Алфабет“ (9,6 проценти), „Амазон“ (9,3 проценти), „Мета“ (10 проценти) и „Тесла“ (10 проценти).
Распродажбата на европските пазари продолжи и во понеделникот наутро, но со помал интензитет отколку што беше забележан во Азија. И Stoxx Europe 600 падна за два отсто на отворањето, додека FTSE 100 падна за приближно исто толку.
Bloomberg
Фјучерсите на Nasdaq 100 беа многу блиску до запирање на тргувањето поради нестабилноста рано наутро во понеделникот. Прагот за активирање на тој механизам е поставен на 17.265,25, што би било пад од 6,9 отсто во однос на нивото на затворање во петокот. Во еден момент падот беше 6,5 отсто, но подоцна индексот малку закрепна. Последен пат тргувањето беше суспендирано во март 2020 година, за време на распродажбата предизвикана од ковид.
Распродажбата доаѓа во услови на загриженост дека Банката на федерални резерви (Фед) заостанала во однос на поддршката на политиката за забавување на американската економија. Нестабилноста на пазарот исто така ги турка инвеститорите да ги заштитат обврзниците и доларот, при што трговците сега очекуваат олеснување од 137 базични поени од американската централна банка во текот на преостанатите три состаноци годинава, што имплицира најмалку две намалувања за 50 базични поени.
Флуктуациите на берзата се очекува да продолжат и во европското работно време. Договорите на Euro Stoxx 50 паднаа за два отсто, додека фјучерсите на FTSE 100 паднаа за 1,6 отсто. Во САД, фјучерсите на Nasdaq 100 паднаа дури за 6,5 отсто, додека оние на S&P 500 паднаа за повеќе од три отсто.
