Македонскиот берзански индекс (МБИ10) денеска достигна вредност од 10.089,36 индексни поени и го надмина историскиот максимум од 10.057,77 индексни поени, кој беше постигнат на 31.8.2007 година. МБИ10 годинава досега порасна за 4.006,07 индексни поени односно за 65,85 проценти.
Станува збор за одличен резултат, кој како што веќе пишуваше „Блумберг Адрија“, во септември годинава го стави МБИ10 меѓу петте берзански индекси во светот по остварениот раст од почетокот на годината.
МБИ10 се состои од најмногу 10 котирани акции на официјалниот пазар на Македонската берза, избрани од страна на Комисијата за берзански индекс, според критериумите наведени во методологијата за пресметка. Комисијата за берзански индекс, редовно (двапати годишно) и вонредно (во случај на вонредни околности) врши усогласување на структурата на МБИ10 со состојбата на пазарот. Во моментов елементи на индексот МБИ10 се обичните акции издадени од: „Комерцијална банка“ АД Скопје, „Гранит“ АД Скопје, „Алкалоид“ АД Скопје, „Макпетрол“ АД Скопје, „Македонијатурист“ АД Скопје, „Македонски телеком“ АД Скопје, „НЛБ банка“ АД Скопје, „Стопанска банка“ АД Скопје, „ТТК банка“ АД Скопје и „УНИ банка“.
Прочитај повеќе
„Реплек“ наместо „УНИ Банка“ во МБИ10
Македонската берза го ревидираше главниот индекс.
18.12.2024
ББА-анализа: МБИ10 ѕвезда во регионот Адрија
Позитивното расположение околу умерениот реален економски раст се пренесе во подобри резултати за компаниите.
21.10.2024
Кои акции од МБИ10 имаат најголем раст во 2024 година?
„Македонијатурист“ предводи со раст на просечната цена на акциите од 88,5 проценти.
16.10.2024
Македонскиот МБИ10 меѓу топ пет индекси во светот по остварениот раст
Со раст на вредноста од 40,12 проценти, МБИ10 го зазеде четвртото место меѓу вкупно 353 берзански индекси.
10.09.2024
МБИ 10 е пондериран индекс, кој првпат беше воведен на 4.1.2005 година, со базична вредност од 1.000 индексни поени и со цел да се овозможи пореално прикажување на движењата на цените на Македонската берза.
Инаку, Македонската берза годинава бележи добри резултати во однос на повеќе показатели и веќе собори неколку децениски рекорди. Имено, вкупниот промет во тргувањето со акции во БЕСТ-системот вчера надмина 106 милиони евра, што е најдобар резултат од 2010 година наваму.
Вкупниот промет на берзата заклучно со денеска достигна на 201 милион евра, со што се отвора простор 2024-та да биде една од рекордните години за берзата по остварениот промет во сите сегменти на тргување.
|
Очекувањата се дека и следната година ќе продолжи растот, но тешко дека може да се повтори 2024-та, бидејќи годинава имаше огромен раст, а ако се повтори, тогаш тоа е веќе премногу оптимистичко сценарио, па цените на акциите нема да имаат реална основа, смета Сашо Дракуловски, извршен директор на „Вега фондови“. |
.webp){kind=icon}
