Федералните резерви на САД вечерва за прв пат ќе се состанат под „новата“ Бела куќа. Важната одлука на Фед е засенета од новиот претседател Доналд Трамп, кој постојано ја повикуваше банката да ги намали каматните стапки за време и по кампањата. Повеќето аналитичари се согласуваат дека Фед ќе му пркоси на новиот претседател и ќе ги задржи каматните стапки на сегашното ниво. Според „ЦМЕ груп“ (CME Group), постои речиси 100 отсто сигурност дека Федералниот комитет за отворен пазар (FOMC), кој ги одредува каматните стапки, ќе ја задржи каматната стапка на централната банка во рамките на целниот опсег од 4,25 отсто до 4,5 отсто, пренесува „Си-ен-би-си“ (CNBC).
На пазарите постои широк консензус дека Фед ќе ги задржи каматните стапки непроменети. Бидејќи инфлацијата се покажа како непредвидлива, фокусот оваа вечер ќе биде ставен на прес-конференцијата на претседателот на Фед, Џером Пауел и можните индиции за изгледите за состанокот во март, пишува „Блумберг“.
Технолошки скок
Прочитај повеќе
Пазарите во црвено: Што се крие зад потресот на берзите?
„Дипсик“ ја доведе во прашање оправданоста за високите вреднувања на компаниите кои произведуваат опрема за центри за податоци поврзани со вештачката интелигенција.
27.01.2025
Преглед на берзите: Технолошки компании, „Ефектот на Трамп“ и рекорд на Љубљанска берза
Инаугурацијата на Доналд Трамп ги обои американските берзи во зелено и покрај заканувачката реторика за воведување царини.
27.01.2025
„Дипсик“ уште повеќе ќе ја поттикне индустријата, велат инвеститори
Инвеститорите во ризичен капитал не се вознемирени од подемот на кинеската вештачка интелигенција.
28.01.2025
Преглед на берзите: По понеделничкото невреме денеска огреа сонце
Бранот на пад на цените вчера главно ги погоди акциите на технолошките гиганти.
28.01.2025
Сем Алтман го призна „Дипсик“ како конкурент и најави нови производи
Главниот извршен директор на „Опен еј-ај“, Сем Алтман, во објава на платформата X го поздрави лансирањето на моделот Р1 на „Дипсик“.
28.01.2025
Дилема: Инвеститорите се прашуваат дали да инвестираат во „Енвидија“?
Пазарите не сакаат неизвесност, а „Дипсик“ го предизвика токму тоа.
28.01.2025
Накратко од светот: Најбогатите изгубија 108 милијарди долари поради „Дипсик“
Корпоративната заедница на почетокот на неделава ја потресе „спутник момент“, поточно новиот модел на вештачка интелигенција развиен од кинескиот „Дипсик“.
28.01.2025
„Дипсик“: Сè што треба да знаете на едно место
Кодот на „Дипсик“ е отворен, што значи дека теоретски секој може да го присвои и да го дополни по сопствена желба.
28.01.2025
Вниманието сега се префрла од бурата на берзата предизвикана од кинескиот стартап „Дипсик“ (DeepSeek) и влијанието на западните технолошки компании кон одлуката на Фед и деловните најави на технолошките компании. Денес, голем број технолошки гиганти, вклучувајќи ги „Мета“, „Тесла“, „Мајкрософт“, „Алибаба“ и ИБМ ќе ги објавата своите резултати. Холандската компанија АСМЛ веќе објави подобри резултати од очекуваните, предизвикувајќи берзанска веселба во Амстердам.
„Прашината околу ‚Дипсик‘ се спушти и инвеститорите изгледаат многу повнимателни“, изјави за „Блумберг“, Кајл Рода, сениор пазарен аналитичар во „Капитал“ (Capital.Com). „Сега се фокусираме на деловните резултати и на Фед, а првото е поважно“.
АСМЛ ги изненади аналитичарите, нејзините акции вртоглаво пораснаа
Нарачките на холандската компанија АСМЛ ги надминаа предвидувањата во последниот квартал од 2024 година, бидејќи бумот на вештачката интелигенција ја зголеми побарувачката за нејзините машини за производство на чипови, потенцијално ублажувајќи ја загриженоста што ја покрена кинескиот стартап „Дипсик“.
Холандската компанија пријавила резервации на нарачки во вредност од 7,09 милијарди евра во тој период, се вели во денешното соопштение. За споредба, аналитичарите анкетирани од „Блумберг“ дадоа просечна проценка од 3,53 милијарди евра.
Резултатите на холандската компанија дојдоа неколку дена откако пазарната капитализација на компанијата падна за повеќе од 19 милијарди евра во понеделникот поради загриженоста дека најновиот модел со вештачка интелигенција на „Дипсик“ би можел да испорача споредливи перформанси со западните модели по многу пониска цена.
Акциите на АСМЛ денеска пораснаа во раните утрински часови за 11 отсто.
Кристин Лагард/Извор:Bloomberg Mercury
Пазарите се обложуваат дека ЕЦБ ќе мора да го забрза намалувањето на каматните стапки
Трговците се обложуваат дека Европската централна банка (ЕЦБ) ќе мора да преземе поагресивен пристап кон намалување на каматните стапки, бидејќи заканата од американските царини и политичките превирања во регионот тежат врз економијата на блокот, објави денеска „Блумберг“.
Европската централна банка утре ќе донесе одлука за каматните стапки.
Очекувањата на трговците за еврото се песимистички, бидејќи пазарите се подготвуваат за слабеење на еврото - потенцијално под вредноста на доларот - и за добивка на обврзниците во наредните месеци бидејќи ЕЦБ ја олеснува својата политика.
Утре се очекува ЕЦБ да ги намали каматните стапки за четвртина поен, а трговците ќе внимаваат на какви било промени во ставот на креаторите на политиката.
ЛВМХ разочара
Францускиот производител на луксузни стоки ЛВМХ (LVMH), чиј прв човек Бернар Арно беше зафатен да присуствува на инаугурацијата на новиот американски претседател пред една недела, вчеравечер објави разочарувачки деловни резултати.
Конгломератот, кој контролира околу 60 подружници кои управуваат со 75 луксузни брендови, минатата година забележа нето добивка од 12,55 милијарди евра, што е за 17 отсто помалку од претходната година. Приходите исто така беа малку пониски, со пад од 2 отсто на годишно ниво.
Објавата на ЛВМХ предизвика загриженост дека закрепнувањето на луксузната индустрија од минатогодишниот пад, кој делумно беше предизвикан од кинеските купувачи кои го ограничија купувањето на производи од високата класа по долгогодишно расфрлање, може да биде бавно и нерамномерно, објави „Блумберг“.
Depositphotos
Што се случи со цената на нафтата?
Барел сирова нафта од 159 литри од брендот „Вест тексас интермедиет“ за испорака во март во Азија тргуваше за 73,62 долари, што е за 15 центи помалку од затворањето во вторникот. Мартовските фјучерси на суровата нафта „Брент“ паднаа за 18 центи на 77,31 долари, објави СТА.
СТА додава дека цените на нафтата ќе закрепнеа уште повеќе доколку немаше претпазливост во врска со најавите на претседателот Трамп дека ќе ги зголеми тарифите за канадскиот и мексиканскиот увоз, од каде што САД увезуваат нафта, почнувајќи од февруари. На пример, Трамп минатата недела во видео повик во Давос побара од нафтениот картел ОПЕК да ги намали цените на нафтата.
Во меѓувреме, комерцијалните залихи на сурова нафта во САД се зголемија за 2,86 милиони барели минатата недела, изјавија за „Блумберг“ луѓе запознаени со проценката на Американскиот институт за нафта. Тоа би било прво зголемување во последните 10 недели доколку се потврдат официјалните податоци објавени во средата.
.webp){kind=icon}
