По падот од 3,8 отсто во понеделникот, ситуацијата на Македонската берза денеска се стабилизира, односно МБИ10 отиде во позитива со 0,8 отсто. Најтргувана денеска беше акцијата на „Комерцијална банка“, со 11,4 милиони денари, и наедно имаше најголем раст на вредноста, од 1,99 отсто, по вчерашниот пад од 5,6 отсто. „Алкалоид“ имаше раст од 1,07 отсто при речиси идентичен промет од 11,1 милиони денари. Од акциите членки на индексот, се тргуваа уште и „НЛБ банка“, со пораст од 1,46 отсто и „Макпетрол“ со 0,88 отсто „во зелено“ при идентичен промет од околу 2,3 милиони денари. Вкупниот промет на домашната берза денеска беше речиси 30 милиони денари, или околу 487 илјади евра, речиси на исто ниво како и во „црниот понеделник“.
Македонската берза всушност имаше помал раст денеска одошто берзите низ Европа, кои го почнаа денот со оптимизам, по четири последователни дена на пад, но пазарите и понатаму се многу чувствителни додека инвеститорите внимателно го следат развојот на ситуацијата околу американските царини и одговорите од засегнатите земји.
Прочитај повеќе
Волстрит деновиве е место на „фрустрација и исцрпеност“
Консензус е дека во моментов нема начин да се избегне колапсот на пазарот. Многу трговци се држат настрана од ризикот бидејќи падот е преголем.
01.04.2025
Колановиќ: Трамп ќе го запре „кловновското шоу“ за да ги спаси акциите
Поранешниот стратег на „ЏП Морган“ вели дека американскиот претседател е блиску до попуштање под притисокот.
08.04.2025
Што да правите со парите додека царините ги преобликуваат пазарите?
Потрошувачите и инвеститорите се во тешка ситуација бидејќи акциите низ светот паѓаат, шансите за рецесија се зголемуваат, а се наѕираат и повисоки цени за широк опсег на производи.
07.04.2025
Царинската „табела на смртта“ на Трамп го соочува Волстрит со суровата реалност
Пазарниот пад што го предизвика Трамп минатата недела беше еден оние за во учебниците по историја.
07.04.2025
Страв и ужас на берзите
Американскиот претседател Доналд Трамп во средата направи нешто што на многумина им се чинеше незамисливо.
07.04.2025
Трамп: Ако некој даде „феноменална“ понуда, ќе ги намалиме царините
Трамп сугерираше дека Белата куќа е сепак отворена за преговори околу царините што Трамп ги воведе кон цел свет.
04.04.2025
„Царинска“ паника и на Македонската берза: индексот надолу за 3.83 отсто
Црвенилото на светските берзи се прелеа и во Македонија, МБИ10 со пад од 3.83 отсто во понеделник
07.04.2025
Индексот на водечките европски акции STOXX 600 веќе во 9:30 часот утрото беше во плус повеќе од еден процент, по падот од 4,5 отсто во понеделникот, а денот го заврши со раст од 3,15 отсто. Лондонскиот FTSE зајакна денеска за 2,86 отсто, а индексот на берзата во Франкфурт, DAX, додаде 2,74 проценти на вредноста.
Европската комисија, пак, порача дека е отворена за преговори со Вашингтон, но и дека подготвува противмерки за царините на Трамп, за кои најави дека ќе ги претстави в среда, 9 април.
Позитивно на пазарите денеска влијаеше и поблагиот пад на Волстрит во понеделникот одошто се очекуваше. Индексот Dow Jones падна за 0,9 отсто, S&P 500 загуби 0,23 отсто, a Nasdaq дури и благо порасна, за 0,1 отсто. Во понеделничкото тргување индексите лошо тргнаа, по два часа S&P 500 беше во минус 2,25 отсто, Nasdaq 2 отсто, а Dow Jones 2,6 отсто, но подоцна ги ублажија загубите, а индексот на технолошките акции Nasdaq дури влезе и во зелено.
Во моментот на пишувањето на овој текст се поминати околу два часа тргување на Волстрит и моментално S&P 500 е во плус речиси два процента, Dow Jones исто така 2 процента, а Nasdaq 2,5 процента.
.webp){kind=icon}
Во моментов нема коментари за веста. Биди прв да коментира...