„Комерцијална банка“ АД Скопје лани оствари нето-добивка од 4,9 милијарди денари (80 милиони евра), што е зголемување за 37,5 проценти во однос на претходната година, покажува неконсолидираниот биланс на успех на банката објавен преку Македонската берза.
„Нето-добивката, која ги надмина очекувањата за годината, е остварена во услови на нагласени ризици од надворешното окружување, особено зголемените геополитички тензии, побавното намалување на инфлацијата што резултираше со повнимателно релаксирање на монетарните политики на Фед и ЕЦБ, како и намалената економска активност на главните трговски партнери на државата“, посочуваат од банката.
Оттаму додаваат дека и покрај тоа, домашната економија забележала одредена стабилизација во однос на кризните периоди кои претходеа, што придонело за поттикнување на инвестицискиот циклус во реалниот сектор, во чија поддршка банката учествувала преку зголемен обем на кредитирање.
Прочитај повеќе
Хари Костов и Илија Илоски – последните мохиканци што не се откажуваат од своето чедо
Ѓорѓи Јанчовски и Глигор Бишев си заминаа од раководните функции откако ги исполнија условите за пензија.
18.12.2024
„Комерцијална банка“ оствари добивка од 71,9 милиони евра за девет месеци
Од банката информираа дека планираната бруто-добивка заклучно со третиот квартал од 2024 година е остварена со 139,3 проценти.
30.10.2024
Зошто „Комерцијална банка“ не успеа да ја преземе „Стопанска банка Битола“?
Не е изненадување што откупот не успеа, бидејќи 67 проценти од акциите е релативно висок праг.
04.10.2024
Големи трансфери и банкарски промени во Македонија: Колку тежат?
Во банкарскиот свет има силна конкуренција за позициите во управните одбори.
18.06.2024
Македонските банки им посакуваат големо добредојде на четботовите
„Комерцијална банка“ и „Халк банка“ веќе користат вештачка интелигенција и анализираат можна употреба на нови решенија базирани на ВИ.
09.05.2024
„Дополнително, високата ликвидност со која располага банката беше искористена за прудентно димензионирање на структурата на активата и пласирање средства во инструменти со помал ризик, но со задоволителни приноси“, наведуваат од „Комерцијална банка“.
Остварената добивка пред исправка на вредност, која претставува показател за оперативната способност на банката да ги покрива расходите од работењето, е за 31,7 проценти поголема во однос на минатата година.
„Зголемувањето на добивката пред исправка на вредност главно произлегува од зголемените останати приходи од дејноста и зголемените нето-приходи од камата, а во помал обем и поради зголемените нето приходи од провизии и надомести и нето приходи од тргување“, укажуваат од банката.
Зголемувањето на останатите приходи од дејноста во споредба со минатата година е резултат на зголемените приходи од капитална добивка од продажба на преземен имот, како и поради зголемениот износ на наплатени претходно отпишани побарувања.
Вкупните приходи од работењето на банката изнесуваат 8,8 милијарди денари (144 милиони евра) и бележат зголемување од 25,9 проценти во однос на минатата година.
„Нето-приходите од камата претставуваат основна компонента во формирањето на вкупните приходи од работењето и на 31.12.2024 година истите бележат зголемување од 14,5 проценти во однос на минатата година“, велат од банката.
Приходите по основ на камата се зголемени вкупно за 17,1 проценти како резултат на зголемени пласмани кај сите сектори и покрај отпочнатиот тренд на намалување на референтните каматни стапки во текот на второто полугодие.
„Имено, ЕЦБ изврши намалување на трите основни каматни стапки и соодветно на тоа, НБРСМ започна со релаксирање на монетарната политика“, наведуваат од банката.
Расходите по основ на камата се зголемени за 41,3 проценти поради зголемените орочени депозити споредено со минатата година. Нето каматната маржа на ниво на банката е зголемена од 3,63 проценти на крајот од минатата година, на 3,85 проценти заклучно со 31.12.2024 година.
Се предлага бруто-дивиденда од 1.250 денариУправниот одбор на банката планира до Надзорниот одбор, а соодветно и до Собранието на акционери, да достави предлог-одлука за распоредување на добивката со која ќе се исплати бруто-дивиденда во вкупен износ од 2,8 милијарди денари (46 милиони евра) како и предлог- одлука за определување на износот на дивиденда за 2024 година со која за една обична акција ќе се предложи бруто-износ од 1.250 денари. „Предложениот бруто износ од 1.250 денари за 2024 година е за 37,4 проценти повисок во однос на дивидендата за 2023 година“, посочуваат од банката. |
Нето-приходите од провизии и надоместоци бележат зголемување од 8,4 проценти во најголем дел како резултат на зголемениот обем на активности, особено во делот на работењето со картички.
Останатите приходи од работењето на банката на 31.12.2024 година изнесуваат 1,1 милијарда денари (19 милиони евра) и бележат позначително зголемување во однос на минатата година како резултат на повеќекратното зголемување кај приходите од капитална добивка од продажба на преземен имот, а во помал обем и поради зголемените наплатени претходно отпишани побарувања.
„Во рамки на приходите од продажба на преземен имот и опрема, најголемо учество имаат приходите од продажба на преземен имот од должниците ‚Еуроникел Индустри‘ ДОО с. Возарци, Кавадарци и ‚Нова Рефрактори‘ ДОО Пехчево, евидентирани во месец април 2024 година“, информираат од банката.
.webp){kind=icon}