„Алкалоид“ АД Скопје лани оствари единечна нето-добивка од 1,7 милијарди денари (27,6 милиони евра), што е зголемување за 12 проценти во однос на 2023 година, покажува неревидираниот биланс на успех на компанијата објавен преку Македонската берза. Остварената консолидирана нето-добивка во 2024 година изнесува 1,6 милијарди денари (27,3 милиони евра) и во споредба со остварената во 2023 година бележи зголемување за 7 проценти.
Раст на продажбата на домашниот и на странските пазари
Од „Алкалоид“ информираат дека компанијата, преку своите застапувања на производите на светски реномирани фармацевтски производители, активно учествува во обезбедувањето најсовремени ретки и специфични терапии, со што како докажан партнер на јавното здравство обезбедува значителна поддршка за здравствениот систем во земјава.
Прочитај повеќе
„Алкалоид“ основа енергетска фирма: Ќе произведува струја во Гевгелија
Проектот предвидува изградба на фотоволтаична централа лоцирана во Гевгелија, со капацитет за производство на електрична енергија од околу 11.000 мегават-часови на годишно ниво.
13.12.2024
Значителен раст на добивката на „Алкалоид“ и 222 нови вработувања
„Алкалоид“ се стреми кон рекордна продажба од над 300 милиони евра во 2024 година
31.10.2024
„Алкалоид“ вложува во истражувачко-развојна компанија во Јужна Кореја
Станува збор за инвестиција од милион долари за купување на малцински удел во „Рофибио“.
04.10.2024
„Алкалоид“ отвори компанија во Казахстан, планиран пробив во Азија
„Алкалоид Казахстан“ ДОО е прва подружница на компанијата во Азија.
27.09.2024
„Алкалоид“ ја зголеми добивката во првото полугодие од годинава
Вкупните инвестиции во основни средства во периодот јануари – јуни 2024 година изнесуваат 679,6 милиони денари (11 милиони евра).
31.07.2024
Пет клучни менаџери на „Алкалоид“ купија акции од компанијата
Живко Мукаетов, претседател на Управниот одбор и генерален директор се стекнал со 300 обични акции „Алкалоид“.
21.03.2024
„Алкалоид“ го патентира првиот „омепразол“ во течна форма во светот
За производството на лекот, компанијата инвестирала во наменски изработена машина соодветна за овој иновативен производ.
19.02.2024
„Иако профитабилноста на овие програми е ограничена, тие значително го зголемуваат учеството на домашниот пазар во вкупните консолидирани продажби, каде што се остварени 32 проценти. Во споредба со истиот период од минатата година, продажбите во земјава бележат раст од 17 проценти“, соопшти компанијата.
Странските пазари заземаат 68 проценти од вкупните консолидирани продажби на „Алкалоид“.
„Најголем пораст кај извозните пазари бележат продажбите остварени во земјите од Источна Европа (раст од 25 проценти) и во земјите од Западна Европа (раст од 13 проценти)“, информираат од компанијата.
Нови вработувања
Во периодот јануари-декември 2024 година во „Алкалоид“ се реализирани 253 нови вработувања. Групацијата „Алкалоид“ брои 3.042 вработени, од кои 2.302 се во земјава, а 740 се вработени во капитално поврзаните друштва во странство.
Бизнис-планот на „Алкалоид“ за 2025 година предвидува инвестирање на околу 8 проценти од консолидираните приходи од продажби во материјални и во нематеријални средства, раст од 8 проценти на консолидираните продажби во однос на реализираните во 2024 година, како и раст од 7 проценти на консолидираниот профит пред оданочувањето во однос на 2024 година.
„Очекуваме во 2025 година да продолжиме по патеката на континуираниот раст базиран на можностите од нашите тековни инвестиции во нови производствени капацитети и опрема и од вложувањата во развојноистражувачки проекти, на тој начин создавајќи конкурентно портфолио и можности за ширење на пазарите. За остварување на овие цели ќе продолжиме и со нови вработувања во земјава, но и на странските пазари, притоа континуирано вложувајќи во подигнување и во усовршување на нивото на знаења и на вештини на нашите вработени и во градење таленти“, наведуваат од компанијата.
.webp){kind=icon}
Во моментов нема коментари за веста. Биди прв да коментира...