text size
Стратезите од Волстрит во голема мера се откажаа од високите очекувања со кои влегоа во 2025 година, но еден „бик“ не отстапува: Кристофер Харви од „Велс Фарго“ (Wells Fargo Securities LLC).
Тој предвидува дека индексот S&P 500 ќе ја заврши годината на 7.007 поени - истата бројка што ја постави на почетокот на 2025 година. Моментално индексот е на 5.672 поена, откако порасна за повеќе од 10 отсто во последните девет трговски сесии, што претставува најдолга добивка во низа во последниве две децении. Проекцијата на Харви претпоставува дека водечкиот американски берзански индекс ќе порасне уште 24 отсто во наредните осум месеци.
Очигледно, потенцијалното влијание на трговската војна на претседателот Доналд Трамп врз економијата се надвиснува над сето ова, исто како и ветувањата за даночни намалувања и можноста за намалување на каматните стапки од страна на Федералните резерви (Фед). Но Харви гледа промена на тонот од Белата куќа.
Осамен бик
Прогнозата на „Велс Фарго“ предвидува раст на S&P 500 од над 20 отсто до крајот на годинава
Bloomberg
„Ако преминеме од стап на морков, тоа е сосема поинаков пазар“, наведе Харви во понеделникот во интервју за „Блумберг срвејленс“ (Bloomberg Surveillance). „Мислам дека го поминавме врвот на неизвесноста“.
Харви значително отстапува дури и од своите најоптимистични колеги. Просечната целна вредност за индексот S&P 500 годинава меѓу 29 стратези следени од „Блумберг“ е 5.853. По Харви, следни највисоки прогнози имаат Хуго Стe-Мари од „Скошабенк“ (Scotiabank) со 6.650 и Том Ли од „Фандстарт“ (Fundstrat) со 6.600 поени.
Низ Волстрит стратезите ги намалуваат своите прогнози за индексот побрзо дури и од почетокот на пандемијата во 2020 година, според анкета на „Блумберг“. Банким Чадха од „Дојчебанк“ (Deutsche Bank) е последниот што ја намали својата целна вредност, од 7.000 на 6.150 поени минатиот месец. Други добропознати оптимисти, како Брајан Белски од БМО (BMO Capital Markets), Џон Столцфус од „Опенхајмер“ (Oppenheimer Asset Management) и Ед Јардени од „Јардени рисрч“ (Yardeni Research), ги ублажија своите предвидувања по априлските турбуленции.
На почетокот на годината Харви предвиде дека поволното макроекономско опкружување и олеснувањето на монетарната политика ќе ги продолжат растечките трендови на американските акции, по две последователни години со пораст од 20 отсто, во 2023 и 2024 година. Тој останува на таа позиција.
„Ако гледате на втората половина од годината, дали верувате дека Федералните резерви ќе ги намалат каматните стапки? Ние веруваме“, рече Харви за телевизијата „Блумберг“ (Bloomberg Television). „Она што го правиме е одново проценување на ризикот, одново проценување на очекувањата - може да се излезе од тоа. Значи, економијата може да се подобри“.
Тој има поента - иако не се очекува дека Централната банка ќе направи потег на состанокот неделава, нејзини претставници зборуваат за можноста за намалување на каматните стапки во јуни.
Некои од традиционално оптимистичките колеги на Харви звучат покајнички за тоа што ги приспособија своите прогнози по растот на пазарот во последните две недели. На пример, Јардени беше меѓу првите што се откажа од својата прогноза за S&P 500 годинава, но во неделата ја отвори можноста повторно да ја зголеми, откако неговата фирма ја намали веројатноста за рецесија.
„Склони сме да го направиме тоа, со оглед на силата на закрепнувањето на индексот S&P 500“, напиша тој во белешка до клиентите. „Сепак, не сме подготвени да го направиме тоа поради следните два фактора: заработки и процени“.
.webp){kind=icon}
