Играчите на пазарот на криптовалути се многу емотивни. Можеби е до човечката природа но повеќето инвеститори стануваат алчни кога пазарот е во пораст, што доведува до страв од пропуштање добри прилики за вложување-ФОМО (од англиски: fear of missing out- FOMO). Спротивно на тоа, повеќето луѓе се обидуваат ирационално да продаваат криптовалути кога пазарот е во пад и е полн со песимизам, следејќи ја логиката дека ќе избегнат уште поголеми загуби. Токму поради овие работи го користиме индексот на страв и алчност кога ги анализираме тековните цени на криптовалутите ( на англиски: Fear and Greed Index).
На индексот на страв и алчност најмногу влијае нестабилноста на цената на криптовалутите, обемот на тргување, вестите и коментарите од социјалните мрежи, трендовите, но и доминацијата на одредена валута. Ако на пазарот владее алчно расположение, тогаш поизвесно е да се очекува корекција на цената. Обратно е исто така точно. Ако чувството на страв е присутно, тогаш можно е цените на криптовалутите да се потценети.
По последното ажурирање на индексот на страв и алчност, после долго време можеме да забележиме промена од неутрално во алчно расположение.
Шематски приказ на движењето на сентиментот на тргувањето со криптовалути од минатиот месец до денеска| alternative.me
Минатиот месец бевме сведоци на неутрално расположение кај инвеститорите, додека од минатата недела се забележува тренд на зголемување на позитивното расположение. Исто така, сказалката на индексот на страв и алчност од денес е зелен за прв пат по долго време.
Движење на Индексот на страв и алчност/alternative.me
Впрочем од средината на јуни индексот на страв и алчност не паднал под 50. Најниското регистрирано ниво на индексот на страв и алчност е на 6 јуни 2022 година, кога доминирало чувството на екстремен страв.
Од почетокот на календарската година забележлив е благ, но континуиран нагорен тренд на расположението. Сето ова може да укаже на закрепнување на крипто-пазарот и можен крај на крипто-зимата.
.webp){kind=icon}
