Економистот Нуриел Рубини предупреди дека глобалната економија е изложена на ризик од „тешко приземјување“ поради напорите на централните банки да ја стават под контрола високата инфлација во напредните економии.
„Централните банки ќе мора да ги зголемат каматните стапки многу повеќе отколку што првично се очекуваше за да ја вратат инфлацијата во рамки на поставената цел“, рече Рубини на деловниот самит во организација на Australian Financial Review.
„Инфлацијата ќе остане висока бидејќи цените на суровините ќе останат високи оваа година“, рече Рубини.
Факторите како што се влошувањето на руско-украинската војна и зголемената кинеска побарувачка за стоки во услови на враќање на растот ќе ја поттикнат инфлацијата, додаде тој.
Рубини, кој го доби прекарот „Д-р Дум“ поради неговите долготрајни надолни погледи за глобалната економија, рече дека инфлацијата во САД, Европа и Австралија е поупорна отколку што очекуваа пазарите и централните банки.
Инаку, Резервната банка на Австралија се очекува да ги зголеми каматните стапки 10-ти последователен месец. Питер Костело, претседател на Австралискиот Фонд за иднината, рече дека централната банка треба да ја убеди јавноста дека ќе го спроведе својот план за намалување на инфлацијата и додаде дека Федералните резерви зборуваат „многу построго“ од локалните креатори на политики.
„Најлошото нешто што би можело да се случи е ако централните банки објават дека продолжуваат со политика на рушење на инфлацијата иистата не ја спроведат докрај, бидејќи тогаш имаме само бескорисно зголемување на каматните стапки“, рече Костело на самитот на АФР во Сиднеј.
Гувернерот на централната банка, Филип Лоу, се најде под притисок поради неговата неконзистентност во пораките за монетарната политика, откако за време на пандемијата укажа дека стапките најверојатно ќе бидат задржани на рекордно ниско ниво до 2024 година.
Економистите очекуваат централната банка на Австралија да ја подигне стапката на готовина за уште 25 базични поени на 3,6 проценти.
.webp){kind=icon}
