Европската централна банка денеска за прв пат по 11 години ја зголеми рефернтната каматна стапка. Се одличи за зголемување двојно над тоа што се прогнозираше, односно за 50 поени што најмногу од 2000 година. Како последица на тоа ќе расте и EURIBOR –от, што ќе ги зголеми месечните рати за отплата на кредитите со променлива каматнта стапка. Поскапи ќе бида и новите кредити.
ЕУРОБОР е каматната стапка по која банките една на друга си позјамуваат пари. Тоа е најважната рефернтна каматна стапка на европскиот пазар со пари која ја одредува цената и каматите на речиси сите видови финансиски производи.
Едномесечниот и шестмесечниот ЕУРИБОР годинава ќе стигнат во плус откако шест години имаа негативна вредност.
ЕУРИБОР - от ќе ги зголеми каматите и во Македонија
Зголемувањето на каматната стапка на ЕУРИБОР от ќе донесе поскапи кредити и во земјаава затоа што сите кредити со подолг рок на отплата се врзани со оваа реферетна камата која се додава на променливата камата на банката. Еуриборот во земјава постојано расте, а во јуни месецот го почнал со негативна врендост, за да го заврши на ниво од 0,223.
Од април досега и НБРМ во четири наврати ја подигаше катамата на благајниките записи и таа сега изнесува 2,5 отсто. Овој потег веќе ги натера банкарите да ги зголемат каматите за депозитите што вообичаено претходи на поскапувањето на кредитите.
Од први јули Стопанска банка АД Скопје зголеми каматите за денарските и девизните депозити за физички лица. Фиксната камта за депозитите со рок на орочување до 36 месеци се зголемува до 0,2 процентни поени. Од почетокот на овој месец, повисоки камати за заштедите понуди и Шпаркасе банката. Таа ги зголеми каматните стапки на традиционалните денарски депозити на физички лица на 12, 24 и 36 месеци, па така сега фиксната каматна стапка на денарските депозити со рок на орочување на 36 месеци изнесува 1,35%. Летово и Халкбанка излегува со нов производ за денарските. За минимален влог од 30.000 денари орочени на период од 13 месеци, каматната стапка ќе изнесува два отсто.
Потегот на банките се поклопува со последната одлука на Советот на НБРМ кој заради стимулирање на штедењето во домашна валута ја намали задолжителната резерва за денарските обврски од 6,5% на 5%, а истовремено ја зголеми стапката на задолжителна резерва за обврските во странска валута од 16,5% на 18%. Оваа мерка, којашто е втора по ред по мартовската промена на стапките на задолжителна резерва, е наменета за натамошно поттикнување на денаризацијата на билансите на банките, што би се постигнало преку промени во каматната политика на банките, поточно преку понуда на релативно поповолни камати на денарските депозитни производи.
Паралелно, почна и трендот на раст на каматните стапки на новоодобрените кредити. Промените се забележуваат веќе од април. А во мај споредено со месецот претходно каматната стапка пораснала за 0.02 пронецтни поени. Сега, просечната камата со која се задолжуваа домаќинствата во земјава изнесува 5.06 отсто.
.webp){kind=icon}
Во моментов нема коментари за веста. Биди прв да коментира...