Цената на нафтата се опоравува откако го достигна најниското ниво од почетокот на јануари како резултат на скапиот американски долар.
„West Texas Intermediate (WTI)“ се враќа назад кон нивото од 78 долари за барел откако потона за повеќе од 8 проценти во претходните две сесии на тргување. Показателот на Блумберг за вредноста на американската валута се спушти од историски највисокото ниво, при што суровата нафта ја зголеми својата вредност, како и другите производи, чија вредност се изразува во американски долари.
Bloomberg Mercury
Утрово „WTI“ со испорака во ноември порасна за 1,2 проценти, на 77,66 долари за барел, откако вчера падна на најниското ниво од 4 јануари со вредност од 76,25 долари за барел.
Брент нафтата порасна за 1,1 отсто, на 85,01 долари за барел.
Сепак, американските показатели на вредноста на нафтата и натаму се на пат да го остварат својот прв квартален пад во повеќе од две години поради загриженоста дека побарувачката за енергија ќе падне дури и покрај тоа што руската војна во Украина се одолговлекува. Падот би можел да ја поттикне Организацијата на земји извознички на нафта и нивните сојузници да ја разгледа можноста за интервенција во количините на испорака, со цел да се заузда кризата.
„Членките на ОПЕК+ се невообичаено тивки“, рече Ворен Перетсон, раководител на секторот за стокова стратегија при „ING Groep NV“.
Групацијата, која што би требало да се состане на 5 октомври, веќе се согласи да ја намали понудата за 100.000 барели на дневно ниво во месец октомври. Петерсон од „ING“ рече дека ако се договори кратење на испораката, тоа ќе мора да биде прилично поголемо од веќе спроведеното за да може да има значајно влијание и да го постигне саканиот ефект на пазарот.
Заканите врз побарувачката остануваат затоа што монетарната политика дополнително се заострува. Креаторите на политиката на Федералните резерви (ФЕД) вчера најавија дека се подготвени на дополнително покачување на каматите, со цел да ја зауздаат инфлацијата, дури и ако се доведе економијата во рецесија.
Како одраз на глобалното забавување, што реално би можело да и наштети на потрошувачката на енергија, Светската банка ги намали изгледите за раст во источна Азија и Пацификот. Се предвидува дека кинескиот економски раст оваа година ќе забави на 2,8 прокценти, од 8,1 отсто во 2021 година поради ограничувањата поврзани во Ковид-19 и падот на пазарот на недвижнини.
.webp){kind=icon}
Во моментов нема коментари за веста. Биди прв да коментира...