Нафтата запиша тридневен раст како резултат на тоа што Организацијата на земји извознички на нафта и нивните сојузнички се согласија за најголемо кратење на производството од 2020 година, а Русија го повтори предупредувањето дека нема да ја продава својата сурова нафта во ниту една од државите, кои што усвоија горна ценовна граница.
„West Texas Intermediate“ (WTI) утрово се тргува на ниво од 88 долари за барел после тридневниот раст од вкупно 10 отсто. Државите од ОПЕК+ се согласија да го намалат дневното производство за 2 милиона барели. Таквиот потег предизвика брза реакција од Соединетите Американски Држави (САД). Администрацијата на претседателот Бајден претходно побара повеќе нафта од производителите додека трае борбата со инфлацијата поттикната од недостигот на енергија.
Bloomberg Mercury
Вредноста на „WTI“ за испорака во ноември се зголеми за 0,2 отсто, на 87,58 долари за барел, а „Brent“ нафтата за декемвриското порамнување загуби 0,1 процент од вредноста и се тргува за 93,26 долари за барел.
Прочитај повеќе
Ограничената цена на нафтата вклучена во новите санкции на ЕУ за Русија
Европската унија го поддржа новиот, осми пакет санкции против Русија, кој вклучува и поддршка за ограничување на цената за продажба на нафта на трети земји.
05.10.2022
„Goldman Sachs Group Inc.“ ги зголеми своите прогнози за „Brent“ суровата нафта за последниот квартал годинава на 110 долари за барел откако ОПЕК+ се согласија на ригорозниот чекор. „Goldman Sachs Group Inc.“ очекува и дека Меѓународната агенција за енергија ќе го координира намалувањето на резервите. Цената на суровата нафта континуирано паѓа од јуни поради загриженоста во врска со економското забавување во светот, а чекорот што ОПЕК+ го презема во моментов има за цел да ја стабилизира цената, односно преку намалување на производството да се покачи цената на нафтата.
„Со ова намалување и зимската сезонска побарувачка, залихите ќе продолжат да паѓаат“, рече Демиен Курвалин, раководител за енергетски истражувања во „Goldman Sachs“ во интервју за Блумберг ТВ.
.webp){kind=icon}
