Цената на нафтата на светските берзи забележа напредок додека кинеските власти расправаат за ублажување на одредени Ковид правила, политика која што ја оптоварува кинеската економија и побарувачката за енергенси во таа земја.
„West Texas Intermediate“ (WTI) за испорака во декември денеска порасна за дури 1,5 отсто и се тргува по цена од над 85 долари за барел откако вчера забележа раст од 3 проценти. И ноемвриските испораки пораснаа за 1,5 отсто и се тргуваат по цена од 86,84 долари за барел.
Цената на „Brent“ нафтата за испорака во декември порасна за 0,5 отсто и сега барел чини 92,91 долар.
Кинеските власти разговараат за тоа дали да го намалат времето што луѓето го поминуваат во задолжителен карантин откако ќе влезат во земјата, велат извори запознаени со оваа тема. Кинеската нулта Ковид стратегија, која што се базира на масовно тестирање и затварање на работни организации заради сузбивање на ширењето на вирусот, годинава меѓудругото ефектуираше со пад на побарувачката за нафта. Промена на политиката би требало да одобрат мнозинството од лидерите, така што и натаму може да се променат или воопшто да не се применат нови правила, вели изворот.
„Можно ублажување на органичувањата дефинитивно е позитивен сигнал за пазарот“, вели Вил Сангчил Јун, виш аналитичар за стоки во „VI Investment Corp“.
Уште има прашања во врска со прогнозите за кинеската побарувачка за нафта. Потрошувачката во таа земја во последниот период е пригушена, дури и покрај тоа што на рафинериите им се доделени нови квоти за извоз на нафтени производи. Вирусот Ковид се прошири во Пекинг на највисоко ниво во последните четири месеци и ја поттикна загриженоста од потенцијално ново и поголемо ограничување.
Од 1 ноември стапува во сила одлуката на Организацијата на земји извознички на нафта и нивните сојузници (ОПЕК+) за помало производство и испорака на нафта за дури 2 милиони барели на дневно ниво.
.webp){kind=icon}
Во моментов нема коментари за веста. Биди прв да коментира...