Нафтата зајакна утрово по нестабилната недела на тргување поради загриженоста од забавување на светската економија.
„West Texas Intermediate“ (WTI) порасна на скоро 85 долари за барел. Поточно вредноста на „WTI“ се покачи за 0,5 проценти и сега барел нафта се тргува за 84,90 долари. „Brent“ нафтата, пак, поскапе за 0,4 проценти и барел за испорака во декември чини 92,77 долари.
Bloomberg Mercury
Нафтата загуби третина од својата вредност од почетокот на јуни поради загриженоста од економско забавување и агресивните монетарни политики на централните банкари ширум светот, чија цел е да ја зауздаат инфлацијата. Меѓутоа, пазарот се соочува со период кога ќе биде несигурна испораката бидејќи Организацијата на земји извознички на нафта и нивните сојузници (ОПЕК+) го намалуваат производството почнувајќи од следниот месец и тоа за 2 милиони барели дневно, а од друга страна Европската Унија (ЕУ) ќе спроведе санкции кон руските снабдувачки рути.
Влијанието од претстојните санкции кон Русија, што ги вклучуваат и нафтените деривати, а ќе започнат од почетокот на следната година, веќе се одразува на поширокиот пазар. Хрватска работи на одвикнување на своите рафинерии од руски нафтени деривати, додека некои од индиските рафинерии веќе ги откажаа новите договори за купување руска нафта.
Остануваат неизвесни и изгледите за кинеската побарувачка. Претседателот Си Џинпинг сигнализираше дека нацијата ќе се држи до својата нулта Ковид политика, но рече дека надлежните расправаат за тоа дали ќе го укинат или намалат карантинот за патниците кои доаѓаат во земјата.
.webp){kind=icon}
