Нафтата се движи кон своја неделна добивка, поддржана од тесниот пазар на нафтени деривати, силниот американски извоз и слабеењето на американскиот долар.
„West Texas Intermediate“ (WTI) падна под 88 долари за барел поради зголемениот ризик, но и натаму е со поголема неделна вредност за повеќе од три проценти. „WTI“ за испорака во декември утрово падна за 1,3 отсто, на 87,96 долари за барел, додека „Brent“ нафтата загуби еден процент од вредноста и сега барел се продава за 96,02 долари.
Извозот на нафта од САД достигна рекорд, додека залихите на горива се на историски најниско ниво кога станува збор за овој период. Пазарите на дизел горива во САД и Европа покажуваат затегнатост.
Bloomberg
Американскиот долар би требало да доживее пад втора недела по ред, правејќи ги стоките поевтини за странските купувачи. Доларот ја губи вредноста иако американските Федерални резерви (ФЕД) продолжуваат со зголемувањето на каматните стапки, со цел да ја пригушат инфлацијата.
Цената на нафтата во октомври се движи во нагорна линија после низата пад од четири месеци, а најмногу поради тоа што расте загриженоста дека забавувањето ќе ескалира.
Напредокот овој месец дојде и поради тоа што Организацијата на земји извознички на нафта и нивните сојузници (ОПЕК+) се сложија да го намалат производството во ноември за два милиони барели на дневно ниво, при тоа заострувајќи ги прогнозите за испорака додека војната во Украина се одолговлекува и заострувајќи ги и санкциите против Русија. Освен тоа, рафинериите во Кина, најголемиот увозник, приграбија милиони барели додека планираат да го зголемат извозот на горива.
„Пазарот на нафта имаше корист од слабеењето на доларот и се надеваше во силно кинеско економско заздравување“, рече Ед Моја, виш пазарен аналитичар во „Oanda Corp“. „Но, сега фокусот се поместува кон ниво на рецесија што ги повлекува надолу прогнозите за побарувачката на сурова нафта до крајот на годинава“, додава Моја.
Падот на цената на нафтата денеска дојде заедно со слабеењето на пазарите на капитал и суровини, вклучувајќи го и бакарот.
„Shell Plc“ и „TotalEnergies SE“ вчера објавија големи заработки, одразувајќи ја силината на пазарот на нафта оваа година. Тоа предизвика уште една рунда критики од американскиот претседател Џо Бајден.
.webp){kind=icon}
Во моментов нема коментари за веста. Биди прв да коментира...