Нафтата го задржа падот на вредноста додека кинеската нулта ковид-политика ја шири загриженоста околу побарувачката за енергија од најголемиот увозник на сурова нафта, а блокадите и карантините се шират.
ВТИ (West Texas Intermediate) се тргува на ниво под 86 долари за барел, откако вчера загуби 3,5 проценти од вредноста, бидејќи податоците покажуваат дека резервите на сурова нафта во САД достигнаа највисоко ниво од јули 2021 година.
Конкретно, утрово цената на ВТИ за испорака во декември падна за 0,1 отсто, на 85,76 долари за барел, додека нафтата брент за испорака во јануари претрпе мала ценовна промена и сега се тргува за 92,61 долари за барел.
Кинеската антивирус-политика е на штета на потрошувачката, а земјата сега воведува ограничувања во јужниот производствен центар Гуанжу.
Bloomberg Mercury
Суровата нафта падна речиси за третина во однос на врвот достигнат во јуни, бидејќи глобалното забавување и строгата монетарна политика се закана за намалување на побарувачката за енергија. Сепак, фјучерсите во ова тримесечје повторно се намалија откако Организацијата на земји извознички на нафта и нивните сојузници (ОПЕК+) се согласи да го намали производството за два милиона барела нафта дневно, а купувачите очекуваат строги ограничувања од Европската Унија за руските текови на нафта.
„Трговците со нафта погрешно се движеа кога го поддржаа повторното отворање на Кина. Сѐ полошите прогнози за Кина ја враќаат приказната за рецесија во преден план“, рече Стефан Инес, партнер во „СПИ Асет менаџмент“ (SPI Asset Management).
Инвеститорите, исто така, ги очекуваат и клучните податоци за инфлацијата во САД, кои треба да бидат објавени денеска, бидејќи бројките ќе бидат патоказ за натамошното движење на монетарната политика на ФЕД во врска со покачувањето на каматните стапки. Чарлс Еванс, претседател на ФЕД-Чикаго, рече дека е време централните банки да почнат да го забавуваат темпото на раст на каматите, со оглед на тоа колку тие веќе пораснаа.
.webp){kind=icon}
Во моментов нема коментари за веста. Биди прв да коментира...