Продолжија загубите на вредноста на нафтата поради загриженоста околу краткорочните очекувања за побарувачката, кои се засенија од знаците за намалување на испораките како што навлегуваме во зимата.
Фјучерсите на ВТИ (West Texas Intermediate) се тргуваат на ниво од околу 85 долари за барел, откако претходно го затворија тргувањето за 3,5 проценти пониско. Поточно, ВТИ за испорака во декември загуби 0,6 проценти од вредноста и сега барел чини 85,39 долари, додека нафтата брент за испорака во јануари падна за 0,3 проценти, на 92,89 долари за барел.
Организацијата на земји извознички на нафта, ОПЕК, повторно ги намали своите прогнози за светската побарувачка во последното тримесечје годинава, додека американските компании за првпат во последните две години издупчија помалку дупки за влечење нафта, што укажува на можно намалување на производството.
Прочитај повеќе
Путин нема да присуствува на самитот на Г20 во Индонезија
Иако претходно Путин најави дека ќе биде дел од самитот, сега руските власти ретерираат.
09.11.2022
Светот брза да обезбеди нафта од Блискиот исток
За помалку од еден месец, на речиси сите компании во ЕУ ќе им биде забрането да купуваат од Русија
08.11.2022
Кинеската економија забави во октомври, бидејќи епидемијата од вирусот му наштети на расположението на потрошувачите и ги сруши деловните активности. Додека Владата се надева дека ќе ја ублажи ситуацијата со некои од своите мерки за нулта ковид, инфекцијата продолжува да се шири низ земјата.
Bloomberg Mercury
„Слабите податоци за Кина само ќе послужат за зајакнување на мислењето дека побарувачката за нафта во земјата ќе остане во пад сѐ додека е во сила строгата политика за контрола на ковид“, вели Вандана Хери, основач на „Ванда инсајтс“ во Сингапур.
Суровата нафта загуби околу третина од својата вредност од почетокот на јуни, бидејќи сѐ поголемото економско забавување влијае на побарувачката. Сепак, Организацијата на земји извознички на нафта и нивни сојузници, ОПЕК+, почнаа да го намалува производството, а санкциите од Европската Унија против Русија ќе ги зауздат тековите од декември.
Кинескиот претседател Си Џинпинг и неговиот американски колега Џо Бајден повикаа вчера на намалување на напнатоста меѓу двете најголеми светски економии во текот на нивната средба лице в лице на Бали, Индонезија.
Потпретседателката на американските Федерални резерви, Лаел Бреинард, рече дека централната банка може наскоро да го намали своето темпо на зголемување на каматите, иако рече дека има уште дополнителна работа за да се намали инфлацијата. Агресивното монетарно стегање на централните банки, исто така, влијае на побарувачката.
.webp){kind=icon}
