Нафтата се стабилизира додека трговците чекаат дополнителни детали за планот за ограничување на цената на руската сурова нафта и ги проценуваат изгледите за побарувачката во Кина, погодена од ковид.
ВТИ (West Texas Intermediate-WTI) се тргува на ниво од близу 81 долар за барел, откако во претходната сесија доби повеќе од еден отсто на својата вредност, бидејќи акциите и другата стока, исто така, зајакнаа. ВТИ за испорака во јануари порасна само за три центи, на 80,98 долари за барел, додека нафтата брент, исто така за испорака во јануари, загуби 0,1 отсто од вредноста и сега се тргува по цена од 88,29 долари за барел.
Надлежните од ЕУ може да се состанат подоцна во текот на денов за да го одобрат планот, откако го ублажија пакетот санкции. Русија рече дека нема да им продава сурова нафта на државите што спроведуваат санкции измислени за Москва да се казни за нејзината инвазија врз Украина, а истовремено да се задржи дотокот на нафта.
Bloomberg Mercury
Цената на суровата нафта бележи пад овој месец поради загриженоста дека побарувачката во Кина, најголемиот светски увозник, ќе биде оштетена додека земјата продолжува со ограничувањата поради политиката за нулта ковид. Резервите од Организацијата на земјите извознички на нафта и нивните сојузници (ОПЕК+), исто така, се во фокусот, а лидерите одбиваат претпоставки дали може да се договорат за зголемување на производството на состанокот во декември.
Инфекцијата во Кина порасна, загрозувајќи ја побарувачката за енергија. Растечката мрежа на инфицирани значи дека дури 48 града се изложени на некаков облик од ограничување на движењето на ниво на дистрикт или широкораспространето ограничување на рестрикциите, сметаат од „Номура холдингс“.
Американскиот институт за нафта, кој ја финансира индустријата, во меѓувреме извести дека резервите во САД минатата недела се намалиле за 4,8 милиони барели. Тоа е исклучителен пад. Официјалните владини бројки за понудата и побарувачката ќе бидат објавени подоцна во текот на денов.
Инвеститорите, исто така, ќе чекаат да се објави и записникот од состанокот на Сојузниот одбор за отворен пазар во ноември, за да ги добијат информациите за темпото за натамошно зголемување на каматните стапки. Заострувањето на монетарната политика предизвика загриженост поради економското забавување, што ја нагризува побарувачката за енергија.
.webp){kind=icon}
Во моментов нема коментари за веста. Биди прв да коментира...