Вредноста на нафтата падна на најниско ниво од декември поради бранот од немири во Кина, што ги замагли изгледите за побарувачката за енергија, додавајќи му стрес на и онака кревкиот глобален пазар на сурова нафта.
ВТИ (West Texas Intermediate-WTI) потона под 74 долари за барел по три недели загуби. Протестите поради острите антивирусни ограничувања се зголемија во текот на викендот во земјата што е најголем увозник на сурова нафта во светот, со демонстрации во Пекинг и Шангај, поттикнувајќи широка распродажба на почетокот од неделата. Реткиот израз на незадоволство претставува закана од владино задушување.
Нафтата ВТИ за испорака во јануари утрово падна за 3,2 отсто, на 73,82 долари за барел, додека барелот нафта брент, исто така за испорака во јануари, загуби 2,9 проценти од вредноста и сега се тргува по цена од 81,19 долар.
Немирите направија доларот да претставува прибежиште, правејќи ја на тој начин суровата нафта помалку привлечна, што ѝ штети на Кина. Исто така, тоа носи ризик дека властите би можеле да одговорат со построги мерки за ограничување, поради тоа што случаите на ковид-19 месецов достигнаа рекорд.
Bloomberg Mercury
Падот на цената на нафтата претставува најнов пресврт во бурните последни 12 месеци, поради нестабилноста поттикната од војната во Украина, агресивното заострување на централната банка во борбата против инфлацијата и неуморните обиди на Кина да го искорени вирусот ковид-19. Последните денови дипломатите на Европската Унија, исто така, беа зафатени со разговори во врска со ограничувањето на цената на руската сурова нафта, а преговорите би требало да продолжат подоцна во текот на денов.
„Расположението на пазарот на нафта останува негативно, а развојот на настаните во текот на викендот во Кина сигурно нема да помогне“, вели Ворен Петерсон, раководител за стоковни стратегии во „ИНГ груп“ (ING Groep NV) во Сингапур.
Во главниот град Пекинг прометот падна за 45 проценти во однос на минатата година, додека во Гуангжу беше за 35 проценти помал. Кинеската побарувачка за нафта би можела во ова тримесечје во просек да изнесува 15,1 милиони барели дневно, што претставува значаен пад во однос на 15,8 милиони барели дневно, колку што изнесуваше пред една година, наведува „Кплер“ (Kpler), компанија за податоци и анализа.
„Изгледите за побарувачката ќе се влошат пред да се подобрат“, рече Фенглеј Ши, директор за пазарот на нафта при „СП глобал комодити инсајтс“ (S&P Global Commodity Insights).
Освен Кина, трговците го анализираат и потегот на САД да одобрат лиценца за големата компанија „Шеврон“ (Chevron Corp.) да продолжи со производство на нафта во Венецуела, откако санкциите ги прекинаа сите активности на дупчење пред речиси три години.
Од почетокот на пандемијата, кинескиот пристап за соочување со ковид-19 се темели на масовно тестирање и широкораспространет карантин поради сузбивање на болестите, заедно со вакцинацијата. Тоа ѝ наштети на побарувачката за енергија и ја поттикна глобалната огорченост поради ограничувањата, додека другите нации повторно се отворија. И покрај строгите правила, бројот на случаи на вирусот овој месец достигна рекорд.
Во Европа, членките на Унијата уште не можат да постигнат консензус за тоа колку би требало да биде строга максималната цена на руската нафта. Додека Полска и балтичките земји се спротивставија на предлогот за ограничување од 65 долари за барел, тврдејќи дека тоа би било премногу великодушно кон Москва, бродските нации, како Грција, претпочитаат повисоко ниво. Русија рече дека ќе им забрани продажба на нафта на сите соучесници.
USDEUR:CUR
USD
0,9637 EUR
почетна цена
0,9614
претходна цена на затворање
0,962
промена од почетокот на годината
9,917%
дневен опсег
0,00 - 0,00
опсег на 52 недели
0,87 - 1,05
Добивките на американскиот долар обично ги прават стоките изразени во таа валута поскапи за увозниците. Додека трговците го следат развојот на случувањата во Кина, индексот на „Блумберг“ за вредноста на доларот порасна дури за 0,5 проценти.
.webp){kind=icon}
