.webp){kind=icon}
Нафтата се движи кон својата неделна загуба од околу 10 отсто по нестабилниот период на тргување поради загриженоста за економските изгледи, што всушност го засени ублажувањето на кинеските строги мерки за ограничувањата поради вирусот и нарушувањето на тековите на сурова нафта во САД.
Нафтата ВТИ (West Texas Intermediate-WTI) за испорака во јануари утрово порасна за 0,6 отсто и се продава по цена од 71,91 долар за барел, додека нафтата брент за испорака во февруари доби 0,7 проценти на вредноста и сега барел од таа нафта се тргува по цена од 76,65 долари.
Додека терминските цени на тексашката нафта утрово пораснаа и се тргуваат по цена од близу 72 долара за барел, американската референтна вредност заедно со суровата нафта брент неодамна ги загуби сите годинешни добивки. Пазарот на нафта се соочува со континуиран недостиг од ликвидност, поради што цените се подложни на големи осцилации.
Затворањето на нафтоводот „Кистоун“ (Keystone) по излевањето го наруши протокот на сурова нафта низ САД, но трговците се обложуваат дека барем еден сегмент од гасоводот наскоро повторно ќе биде пуштен. Цените првично пораснаа по вестите, откако претходно ја поништија добивката и затворија пониско вчера, заокружувајќи на тој начин пад петти ден по ред.
Bloomberg Mercury
„Нафтата падна поради пошироките рецесиски стравови што го следат глобалното затегнување на монетарната политика. И со оглед на доцнењето во монетарната политика, ѕидот на затегања може уште да ја погоди светската економија“, рече Вишну Варатан, раководител за азиска економија и стратегија во Мизухо банк (Mizuho Bank Ltd).
Нафтата е на пат да го оствари својот прв последователен тримесечен пад од средината на 2019 година поради лошите економски изгледи додека централните банки ја заоструваат монетарната политика, иако министерката за финансии Џенет Јелен и натаму смета дека САД избегнуваат рецесија.
Трговците проценуваат последици од ограничувањето на цената на руската нафта, што доведе до застој на танкерите во турските води поради застојот околу осигурувањето. Сепак, Русија смета дека засега ограничувањето на цената на нафтата има ограничен ефект врз нејзиното производство и продажба на сурова нафта.
