.webp){kind=icon}
Нафтата падна по порастот од речиси девет проценти во текот на претходните три сесии на тргување, бидејќи „ТЦ енерџи“ (TC Energy Corp) рестартира дел од нафтоводот „Кистоун“ (Keystone), а продолжува со поправките и санацијата на преостанатиот дел од нафтоводот.
Нафтата ВТИ се повлече под 77 долари за барел, додека светската референтна вредност на суровата нафта брент падна. Поточно, ВТИ за испорака во јануари падна за 0,8 проценти, на 76,64 долари за барел, додека нафтата брент за испорака во февруари утрово падна за 0,7 проценти, на 82,15 долари за барел.
„Повторното пуштање на нафтоводот може да помогне во ублажување на загриженоста околу испораките и да поттикне краткорочна несигурност“, рече Јип Јун Ронг, пазарен стратег во „ИГ Азија“ (IG Asia Pte).
Долгорочната перспектива и натаму се врти околу глобалната економска активност, што некои ја гледаат како судир меѓу јастребовската политика на ФЕД и повторното отворање на Кина.
Bloomberg Mercury
Нафтата и натаму е на пат да ја заврши 2022 година незначајно повисоко по нестабилниот период што го влоши постојаниот недостиг од ликвидност. Меѓутоа, инвеститорите жонглираа со мешаните изгледи за побарувачка за стока, вклучувајќи го и краткорочниот ефект од завршувањето на пандемијата во Кина.
Меѓународната агенција за енергија вчера рече дека цените на нафтата може да пораснат следната година, бидејќи санкциите ја притискаат руската испорака, иако ОПЕК и Голдман Сакс се внимателни во поглед на побарувачката во почетокот од 2023 година. Американската централна банка повторно ги подигна каматните стапки и предупреди дека има уште простор да одат нагоре.
